តារាចម្រៀងប្រុសស្រី៧រូប ត្រៀមខ្លួនបម្រើអារម្មណ៍មិត្តយុវវ័យតាមរយៈទ្រនំថ្មីមួយនេះ

ភ្នំពេញ៖ សង្កេតឃើញថានាពេលបច្ចុប្បន្ននេះ វិស័យសិល្បៈចម្រៀងនៅក្នុងប្រទេសកម្ពុជាកំពុងតែទទួលបានការគាំទ្រយ៉ាងខ្លាំងពីសំណាក់មហាជន ជាពិសេសគឺមិត្តៗយុវវ័យដែលពួកគេនិយមចូលចិត្តស្តាប់នូវបទចម្រៀងដែលជាស្នាដៃនិពន្ធបទភ្លេងថ្មីដោយស្នាដៃកូនខ្មែរផ្ទាល់។

ទន្ទឹមនឹងមានការគាំទ្រច្រើនឡើងយ៉ាងដូច្នេះហើយ ទើបបណ្តាផលិតកម្មតូចធំនានា ចាប់ផ្តើមមានការសម្រិតសម្រាំងកាន់តែខ្លាំងឡើងក្នុងការនិពន្ធទំនុកច្រៀង និងសាច់ភ្លេងថ្មីជាបន្តបន្ទាប់ដើម្បីប្រកួតប្រជែងលើទីផ្សារ ក៏ដូចជាការបម្រើអារម្មណ៍ទៅដល់មហាជនដែលជាអ្នកគាំទ្រផងដែរ។

យ៉ាងណាមិញ ដោយសារតែសម័យកាលបច្ចេកវិទ្យាកាន់តែដើរទៅមុខ ការចំណាយដើមទុនធំទៅលើការបើកផលិតកម្មចម្រៀងហាក់មិនមានការកើនឡើងច្រើនដូចនឹងការបង្កើតជា Studio ប្រមូលតារាចម្រៀងវ័យក្មេងដើម្បីថតបទចេញផ្សាយតាមរយៈ Facebook និង Youtube នោះទេ។

ជាក់ស្តែងថ្មីៗនេះ ក៏មានលេចចេញនូវ Chanel ថ្មីមួយដែលមានឈ្មោះថា «Somleng Records» ដែលត្រូវបានមិត្តយុវវ័យជាច្រើនកំពុងតែមានការចាប់អារម្មណ៍ខ្លាំងដោយសារឃើញមានការប្រម៉ូតផ្សព្វផ្សាយពីវត្តមានតារាស្រីប្រុសថ្មីចាស់ចំនួន ៧រូបដែលត្រៀមខ្លួនក្នុងការចេញបទថ្មីៗមានដូចជា៖ លោក នួន បូរ៉ា, កញ្ញា ហ៊ិន លីដា, លោក ម៉ារីអូ, លោក Peypey Dy, លោក សក្កដា, កញ្ញា សុធារ័ត្ន និង លោក ចាន់ តារាយុទ្ធ។ ដូច្នេះសម្រាប់អ្នកគាំទ្រតារាចម្រៀងទាំង៧រូបនេះ កុំភ្លេចតាមដានអ៊ុតមើលទាំងអស់គ្នានូវបទចម្រៀងថ្មីរបស់ពួកគេដែលនឹងមានត្រៀមចេញឆាប់ៗនេះតាមរយៈ «Somleng Records»៕

សូមទស្សនារូបភាពតារាចម្រៀងទាំង៧រូប៖