ស្នេហា៖ យោងតាម ការស្ទាបស្ទង់មតិ ដែលត្រូវគេយកមក សិក្សាមួយបានឲ្យដឹងថា ស្ត្រីដែលនៅលីវ មានចំណូលចិត្ត បង្កើតទំនាក់ទំនង ជាមួយបុរសដែល រៀងការហើយជាង មនុស្សប្រុសដែលនៅលីវ។ ហើយការពិត ចំពោះមនុស្សប្រុស ដែលរៀងការហើយ នៅតែលួចលាក់ទាក់ទង ជាមួយស្រីផ្សេង ទាំងដឹងថាខ្លួន មានប្រពន្ធទៅហើយ ព្រោះនេះជាសេចក្តីត្រូវការ របស់មនុស្សប្រុសភាគច្រើន។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សមានមនុស្សស្រីជាច្រើន ត្រូវបានរងទុក្ខផ្លូវចិត្ត បន្ទាប់ពីរៀបការរួច ដោយសារតែបញ្ហាប្តី លួចទាក់ទងនឹង ស្រីខាងក្រៅ។ បញ្ហាផិតក្បិតនេះ នៅតែបន្តកើតមានឡើង រីឯ មនុស្សស្រីក៏នៅតែជា បុគ្គលដែលងាយ រងគ្រោះដដែល។ ដូច្នេះបញ្ហាជ្រើសរើសដៃគូជីវិត គឺនៅតែជាបញ្ហាប្រឈម ដ៏ធ្ងន់ធ្ងរមួយរបស់ មនុស្សស្រីគ្រប់រូប។
បញ្ហាផិតក្បិតនេះ យើងអាចដាក់បន្ទុក ទៅខាងមនុស្សប្រុសថា ប្រសិនបើខាងប្រុសមិនដាក់ចិត្ត ថាក្បត់ចិត្តប្រពន្ធ ហើយតាំងខ្លួន ជាមនុស្សរៀបការហើយនោះ ក៏គ្មានបញ្ហាអ្វី កើតឡើងដែរ។ តែគ្រប់យ៉ាង វាសុទ្ធតែមាន ហេតុនិងផល ដូចពាក្យចាស់មួយបាន លើកឡើងថាបើទម្ពក់មិនទៅ ព្នៅក៏វាមិនមក។ ហេតុដូចនេះ មនុស្សស្រីខាងក្រៅក៏មាន ចំណែកដូចគ្នាដែរ ព្រោះមានមនុស្សស្រី មួយចំនួននៅតែមុខក្រាស់ ព្យាយាមចង់ដណ្តើម របស់អ្នកដទៃ ទោះដឹងថា ខាងប្រុសគេមានប្រពន្ធកូន ហើយក៏ដោយ ក៏នៅតែតាំងខ្លួន ជាមារទៅជ្រៀតជ្រែក ដណ្តើមសុភមង្គលពី ក្រុមគ្រួសារគេដដែល។
ហេតុអ្វីនារីក្មេងៗ ស្អាតៗមួយចំនួនចាំបាច់យកខ្លួនពាក់ព័ន្ធស្វាមីគេ ខណៈប្រុសកម្លោះៗអ្នកមានច្រើនសឹងភ្លេច?
មូលហេតុចម្បង ទីមួយដែលធ្វើឲ្យ នារីដែលនៅវ័យក្មេង ហើយមានសម្រស់ស្រស់ស្អាត ព្យាយាមទាក់ទង ប្តីគេនោះគឺ ព្រោះតែសម្លឹងឃើញរស់ ទ្រព្យដែលគេមាន។ ពីព្រោះភាគច្រើន នៃមនុស្សប្រុសដែលរៀបការហើយ សុទ្ធតែមានចំណូល ហរិញ្ញវត្ថុរឹងមាំ មានការងារ ឬជំនួញ ត្រឹមត្រូវ។ ដូច្នេះពេលដែល ទាក់ទងហើយ នឹងមិនចាំបាច់ខ្វាយខ្វល់ ពីការចាយវាយ ប្រចាំខែទៀតនោះទេ។ ហើយពេលខ្លះ បើមានសំណាងគេអាចចំណាយ ទិញផ្ទះ ឡាន សម្ភារៈទំនើបៗ ឲ្យថែមទៀតផង។
ទី២ មនុស្សប្រុស ដែលរៀបការហើយ មានចរិតចាស់ទុំច្រើនជាង មនុស្សប្រុស ដែលនៅលីវ។ គេចេះថ្នាក់ថ្នម យល់ព្រមតាមគ្រប់សំណើរ និងសម្របតាមគ្រប់យ៉ាង ដែលនាងចង់បាន។
តែទោះយ៉ាងណាក៏ដោយ ក៏គ្រប់យ៉ាងនឹង មិនអាចស្ថិតថ្ថេរបាន យូរអង្វែងនោះដែរ។ ធ្វើជាមនុស្សត្រូវរឹងមាំ រស់ដោយខ្លួនឯង កុំធ្វើខ្លួនជា មនុស្សដែលរស់ចាំតែ ពឹងដង្ហើមអ្នកដទៃដក។ មនុស្សប្រុស បើទោះបីជានៅខាងក្រៅ លួចលាក់ក្បត់ចិត្ត ប្រពន្ធបែបនេះក៏ដោយ ក៏គេនៅតែស្រលាញ់ មិនចោលប្រពន្ធដើមដែរ ព្រោះគេដឹងច្បាស់ថាមនុស្សស្រីខាងក្រៅ បើទោះប្បីជាស្អាត ក្មេង ពូកែថ្នាក់ថ្នម បែបណាក៏ដោយ ក៏មិនអាចប្រៀបផ្ទឹមបាននឹង ប្រពន្ធដែលដឹងទុកធុរៈ ទឹកក្តៅទឹកត្រជាក់ រស់នៅជាមួយគ្នា រាល់ថ្ងៃបានដែរ។ ស្រីខាងក្រៅគឺគ្រាន់តែ គេត្រូវការសម្រាប់ កំដរអារម្មណ៍ សប្បាយមួយពេលៗ តែប៉ុណ្ណោះ៕
ប្រភព៖ dailymail
Bong I.T