ញូដេលី៖ ទាហានឥណ្ឌាបានចោទប្រកាន់ទៅលើទាហានចិន ថាបានចាប់ខ្លួនពលរដ្ឋឥណ្ឌាចំនួន ៥នាក់ នៅតំបន់ព្រំដែនដែលមានជម្លោះ។ ទំនាក់ទំនងរវាងប្រទេសនុយក្លេអ៊ែរទាំងពីរនេះ បានឈានដល់ដំណាក់យ៉ាប់យ៉ឺនទៅៗ បន្ទាប់ពីមានការប៉ះទង្គិចគ្នានៅតាមព្រំដែនជាថ្មី ដែលបណ្តាលឱ្យទាហានឥណ្ឌាយ៉ាងហោចណាស់ ២០នាក់ ត្រូវស្លាប់បាត់បង់ជីវិត។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សបុរសជនជាតិឥណ្ឌាទាំង ៥នាក់ ត្រូវបានបាត់ខ្លួនខណៈពេលពួកគេចូលទៅបរបាញ់នៅតំបន់ក្បែរព្រំដែន ដែលកំពុងមានជម្លោះជាមួយចិន ក្នុងរដ្ឋ Arunachal Pradesh។ ហើយកាលពីថ្ងៃសៅរ៍កន្លងទៅ ទាហានឥណ្ឌាក៏បានជូនដំណឹង ដល់កងទ័ពរំដោះប្រជាជនចិន ហៅកាត់ថា (PLA) អំពីដំណើរការបាត់ខ្លួនរបស់ពលរដ្ឋឥណ្ឌាទាំងនោះដែរ។
អ្នកនាំពាក្យកងកំលាំងការពារជាតិឥណ្ឌា លោកវរសេនីយ៍ទោ Harsh Wardhan Pande មានលើកឡើងដូច្នេះថា៖
គួរជម្រាបដែរថា រហូតមកដល់ពេលនេះ ថ្នាក់ដឹកនាំប្រទេសទាំងពីរបាននឹងកំពុងជួបពិភាក្សាគ្នាលើបញ្ហាជម្លោះព្រំដែននេះ ដើម្បីបញ្ចៀសនូវភាពតានតឹង ក៏ដូចជាការពារមិនឱ្យឈានដល់ការប៉ះទង្គិចគ្នាជាបន្តទៀតឡើយ៕