តោះកាត់ស្ត្រេសចេញ! ឡើងស្រូបខ្យល់អាកាស និងគយគន់ទឹកសមុទ្រពីលើ Skybar ម្តងសាកមើល

ព្រះសីហនុ៖ បើនិយាយពី Skybar គ្រប់គ្នាប្រាកដជានឹកឃើញតែទីតាំងនៅរាជធានីភ្នំពេញទេដែលប្រជុំទៅដោយ Skybar ជាច្រើនកន្លែងនៅតាមបណ្តាអគារពាណិជ្ជកម្ម និងនៅតាមសណ្ឋាគារផ្សេងៗ។

ប៉ុន្តែថ្ងៃនេះយើងសូមជ្រើសរើសយក Skybar មួយកន្លែងនៅឯខេត្តព្រះសីហនុដើម្បីជាការផ្លាស់ប្តូរបរិយាកាសពីការញ៉ាំអាហារ និងភេសជ្ជៈគយគន់សម្រស់ទីក្រុងភ្នំពេញ ទៅជាការបណ្តែតអារម្មណ៍គយគន់ទឹកសមុទ្រដ៏ខៀវស្អាតពីជាន់ទី១២ របស់សណ្ឋាគារ La Vogue ដែលមានទីតាំងក្បែរនឹងឆ្នេរអូរឈើទាលផ្ទាល់តែម្តង។

លក្ខណៈពិសេសរបស់ Skybar មួយនេះគឺបើកបម្រើអតិថិជនចាប់តាំងពីម៉ោង ១១ថ្ងៃត្រង់ រហូតដល់ម៉ោង ២ រំលងអធ្រាត្រឯណោះ ដែលវាបានក្លាយទៅជាទីកន្លែងដ៏សក្តិសមមួយសម្រាប់អ្នកដែលចូលចិត្តស្តាប់តន្ត្រីកំដរអារម្មណ៍ និងស្រូបយកខ្យល់អាកាសត្រជាក់ៗពីទឹកសមុទ្រ។ ចំណុចពិសេសមួយទៀត នៅខាងលើ Skybar នេះក៏មានអាងហែលទឹកទំហំសមល្មមមួយសម្រាប់អ្នកដែលចូលចិត្ត ហែលទឹកលេង ហើយក៏ជាការរំលេចប្លង់បន្ថែមដ៏ស្រស់ស្អាតផងដែរសម្រាប់អ្នកដែលចូលចិត្តថតរូបទុកជាអនុស្សាវរីយ៕

សូមទស្សនារូបភាពខាងក្រោម៖