កូរ៉េខាងជើង៖ ប្រទេសកូរ៉េខាងជើងបានប្តេជ្ញាដាក់ទណ្ឌកម្មលើមន្ត្រីក្នុងតំបន់ ជុំវិញបញ្ហាព្យុះទីហ្វុងដែលបានវាយប្រហារឆ្នេរសមុទ្រភាគខាងកើត កាលពីថ្ងៃពុធ។ កាសែតគណបក្សកម្មករបានស្ដីបន្ទោសអាជ្ញាធរនៅឆ្នេរសមុទ្រទីក្រុងវ៉ុនសាន ចំពោះការមិនបានត្រៀមខ្លួនសម្រាប់ព្យុះមៃសាក់ ហើយបានចោទប្រកាន់ពួកគេថា មានអាកប្បកិរិយាមិនទទួលខុសត្រូវ។

រូបភាពពីកញ្ចក់ទូរទស្សន៍រដ្ឋ  KCTV

កាសែតមិនបានបញ្ជាក់ថា មានមនុស្សប៉ុន្មាននាក់បានបាត់ខ្លួន រងបួស ឬស្លាប់នោះទេ ប៉ុន្តែបាននិយាយថា មានមនុស្សស្លាប់និងរងរបួសរាប់សិបនាក់។ វាបានអះអាងថា ក្រុមមន្ត្រីមិនបានធ្វើតាមបទបញ្ជា ដែលផ្ដល់ដោយបក្សកាន់អំណាចនោះទេ។ កាសែត Rodong Sinmun បាននិយាយនៅថ្ងៃសៅរ៍ថា អាជ្ញាធរក្នុងតំបន់វ៉ុនសានត្រូវបានគេណែនាំឲ្យចាត់ចែងគម្រោងភ្លាមៗ ដើម្បីកំណត់ទ្រព្យសម្បត្តិដែលមានហានិភ័យ និងជម្លៀសប្រជាជនទាំងអស់ចេញ។

រូបភាពពីកញ្ចក់ទូរទស្សន៍រដ្ឋ KCTV

ការសម្រេចចិត្តត្រូវបានធ្វើឡើង ដើម្បីដាក់ទណ្ឌកម្មធ្ងន់ធ្ងរដល់អ្នកទទួលខុសត្រូវ ចំពោះការស្លាប់និងរងរបួស។ រូបភាពនៅលើកញ្ចក់ទូរទស្សន៍រដ្ឋ KCTV កាលពីដើមសប្ដាហ៍បានបង្ហាញថា ស្ពាននិងជញ្ជាំងបេតុងនៅក្នុងខេត្តកាងវ៉ុនត្រូវបានបំផ្លាញ ដោយទឹកជំនន់ខ្ពស់។ ព្យុះទីហ្វុងមៃសាក់បណ្ដាលឲ្យខូចខាតនៅប្រទេសកូរ៉េខាងជើង ត្រឹមតែមួយសប្ដាហ៍ប៉ុណ្ណោះ បន្ទាប់ពីព្យុះទីហ្វុងមួយទៀតឈ្មោះបាវីបានវាយប្រហារប្រទេសនេះ។

ជាពិសេស ប្រទេសកូរ៉េខាងជើងងាយរងគ្រោះដោយសារទឹកជំនន់ ក៏ព្រោះតែការបំផ្លិចបំផ្លាញព្រៃឈើលើភ្នំ។ ហេដ្ឋារចនាសម្ព័ន្ធខ្សោយរបស់វាក៏មានន័យថា គ្រោះមហន្តរាយធម្មជាតិបង្កជាបញ្ហាប្រឈមជាក់លាក់មួយ៕

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

ចង់ក្លាយជាអ្នកសរសេរក្រៅម៉ោងមានប្រាក់ចំណូលសូមចុះឈ្មោះទីនេះ