កម្សាន្ត៖ យោងតាម ការរាយការណ៍ ក្នុងថ្ងៃទី៥ ខែកញ្ញានេះ ស្ថាននីយ៍ទូរទស្សន៍ KBS បានបង្ហាញបន្ថែម អំពីឈ្មោះតារាល្បីៗ ដែលត្រូវបានជាប់បម្រាម ហាមមិនឲ្យបង្ហាញវត្តមាន នៅលើកម្មវិធីទាំងអស់របស់ KBS បន្តទៅទៀត។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សបច្ចុប្បន្នតារាស្រីប្រុស ដែលត្រូវបានបញ្ចូលក្នុងបញ្ជី ហាមឃាត់ដាច់ខាត ពីកម្មវិធីទូរទស្សន៍ KBS មានដូចជា៖ តារាប្រុសJung Suk Won Kang Sung Uk Kim Byun Ok រួមទាំងតារាស្រី Han Ji Sun ផងដែរ។
ចំណែកតារា ដែលបញ្ចូលក្នុងបញ្ជី ហាមឃាត់ជាបណ្តោះអាសន្ន នោះមានដូចជា៖
តារាប្រុស Kang Ji Hwan និងបុគ្គលិកទូរទស្សន៍ Robert Holley ដែលពួកគេទាំង២រូបនេះ ទើបតែត្រូវបានគេសម្រេច បញ្ចូលក្នុងបញ្ជី ហាមឃាត់កាលពី ខែសីហា កន្លងទៅថ្មីៗនេះ។
គួរបញ្ជាក់ផងដែរថា តារាដែលមានឈ្មោះ ក្នុងបញ្ជីហាមឃាត់ខាងលើ គឺសុទ្ធតែធ្លាប់មានរឿងអាស្រូវធំៗ ល្បីទូទាំងប្រទេស រួមទាំងអ្នកខ្លះ ត្រូវស្ពាយទោសជាប់ខ្លួន ថែមទៀតផង។
ជាក់ស្តែង ប្រៀបដូចជា តារាសម្តែងប្រុស Kang Ji Hwan ត្រូវបានតុលាការកាត់ ឲ្យជាប់ទោសចំនួន២ឆ្នាំ និង៦ខែ ពីបទព្យាយាម រំលោភបំពានលើរូបរាងកាយនារី ២រូប។
ចំណែកឯតារាប្រុស Jung Suk Won ជាប់បទឧក្រិដ្ឋ ប្រើប្រាស់គ្រឿងញៀន។ តារាស្រី Han Ji Sun ត្រូវបានផាកពិន័យ ដោយសារតែវា អ្នកបើកតាក់ស៊ី និងចុងក្រោយ តារាប្រុស Kim Hyung Ok ក៏ត្រូវបានផាកពិន័យ ដូចគ្នាដែរដោយសារតែ ស្រវឹងហើយបើកបរ៕
Bong I.T