ឥណ្ឌា៖ ក្រសួងសុខាភិបាលឥណ្ឌាបានឲ្យដឹងនៅថ្ងៃសៅរ៍នេះថា ប្រទេសឥណ្ឌាកាលពីថ្ងៃសុក្រម្សិលមិញ បានកត់ត្រាករណីឆ្លងថ្មីនៃជំងឺកូវីដ-១៩ ចំនួន ៨៦,៤៣២ករណី ដែលជាការកើនឡើងខ្ពស់បំផុត ក្នុងរយៈពេលមួយថ្ងៃ។ នេះបើតាមការដកស្រង់ពីទីភ្នាក់ងារសារព័ត៌មាន CNN

ការធ្វើតេស្ដ

តួលេខកាលពីថ្ងៃសុក្រ បានរុញឲ្យចំនួនករណីឆ្លងក្នុងប្រទេសឥណ្ឌាកើនដល់លាននាក់។ បច្ចុប្បន្ន អ្នកឆ្លងសរុបមានចំនួន ៤,០២៣,១៧៩នាក់ ក្នុងនោះអ្នកស្លាប់មានចំនួន ៦៩,៥៦១នាក់ និងជាង ៣.១លាននាក់ បានជាសះស្បើយ ខណៈអ្នកជំងឺចំនួន ៨៤៦,៣៩៥នាក់ កំពុងព្យាបាល៕

ពលរដ្ឋឥណ្ឌា

គួរឲ្យដឹងដែរថា ក្នុងរយៈពេលថ្ងៃជាប់ៗគ្នា ឥណ្ឌាបានកត់ត្រាករណីថ្មីជាង ម៉ឺនករណីជាប្រចាំ ដែលធ្វើឱ្យប្រទេសនេះ ក្លាយជាប្រទេសរងគ្រោះខ្លាំងលំដាប់ទីបីលើពិភពលោក បន្ទាប់ពីសហរដ្ឋអាមេរិក ដែលមានករណីឆ្លងជាង ៦.២លានករណី និងប្រេស៊ីលជាង ៤.០៩លានករណី​។ នេះបើតាមទិន្នន័យ ដែលទទួលបានពី​មជ្ឈមណ្ឌល Johns Hopkins របស់សហរដ្ឋអាមេរិក៕

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

ចង់ក្លាយជាអ្នកសរសេរក្រៅម៉ោងមានប្រាក់ចំណូលសូមចុះឈ្មោះទីនេះ