ម៉ូស្គូ៖ កងទ័ពជើងប្រទេសឥណ្ឌានិងរុស្ស៊ី បានចាប់ផ្តើមធ្វើសមយុទ្ធប្រចាំរួមគ្នាមួយឈ្មោះ អ៊ីនដ្រាន ២០២០ (INDRA 2020) នៅថ្ងៃសុក្រនេះ ដែលស្ថិតនៅតំបន់ឈូងសមុទ្របេងហ្គាល់ មហាសមុទ្រឥណ្ឌា។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សកំឡុងពេលធ្វើសមយុទ្ធ កងទ័ពជើងទឹករុស្ស៊ីនិងឥណ្ឌា នឹងត្រូវហ្វឹកហាត់បង្កើនសមត្ថភាពរបស់ខ្លួន រយៈតាមការធ្វើប្រតិបត្តិការរួមគ្នា ដើម្បីឆ្លើយតបទៅនឹងបញ្ហាប្រឈមខាងសន្តិសុខ ដែលកំពុងលេចឡើងនៅលើដែនសមុទ្រ។ ហើយសមយុទ្ធរវាងប្រទេសទាំងពីរនេះ គឺគ្រោងនឹងដំណើរការរហូតដល់ថ្ងៃសៅរ៍។
ភាគខាងប្រទេសរុស្ស៊ីត្រូវបានគេរំពឹងថា នឹងបញ្ជូននាវាពិឃាត Admiral Vinogradov និងនាវា Admiral Tributs ក៏ដូចជានាវាដឹកប្រេង Boris Butoma ដោយរួមជាមួយកងឧទ្ធម្ភាគចក្រជាច្រើនគ្រឿងទៀត។ ចំណែកខាងឥណ្ឌាត្រូវបានគេរំពឹងថា នឹងបញ្ជូននាវាពិឃាត Ranvijay, នាវាចម្បាំង Sahyadri, នាវា Kiltan និងនាវាដឹកប្រេង Shakti ។
គួរជម្រាបដែរថា សមយុទ្ធប្រចាំឆ្នាំ អ៊ីនដ្រាន រវាងប្រទេសឥណ្ឌានិងរុស្ស៊ី គឺត្រូវបានធ្វើឡើងជាទៀងទាត់ ចាប់តាំងពីឆ្នាំ ២០០៣មក ក្នុងគោលដៅបង្កើនកិច្ចសហប្រតិបត្តិការយោធា ទាំងកម្លាំងទាហានជើងទឹក ជើងគោក និង ជើងអាកាសរបស់ប្រទេសទាំងពីរ៕