អង់គ្លេស៖ ថ្មីៗនះ សុនខមួយក្បាល មានឈ្មោះថា Buddy វ័យ៦ឆ្នាំ ជាប្រភេទពូជ Bichon Frise ទទួលបានការចាប់អារម្មណ៍យ៉ាងខ្លាំង ក្រោយពីវីដេអូដែលបង្ហាញពីវាញញឹមចេញធ្មេញ ត្រូវបានបង្ហោះចែកចាយទៅលើបណ្ដាញសង្គម។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សយោងតាមវីដេអូឃ្លីបខ្លីមួយបង្ហាញឲ្យឃើញថា នៅពេលដែលបុរសជាម្ចាស់ហៅឈ្មោះរបស់វា ដើម្បីឲ្យវាងាកមកចាប់អារម្មណ៍ និងបង្ហាញមេដៃទាំងពីរទៅកាន់វា ហើយភ្លាមៗនោះ វាក៏ស្រាប់តែបញ្ចេញនូវស្នាមញញឹមចេញធ្មេញតែម្ដង។ ឃើញដូច្នេះ ម្ចាស់របស់វា រួមទាំងសមាជិកគ្រួសារដែលកំពុងអង្គុយលេងក្នុងសួនច្បារផ្ទះ ផ្ទុះសំណើចយ៉ាងខ្លាំងផងដែរ។
យ៉ាងណាមិញ នាង Kelly ដែលត្រូវជាម្ចាស់របស់សុនខដែរ បានឲ្យដឹងថា សុនខទូទៅ តែងតែបញ្ចេញធ្មេញ នៅពេលដែលវាមានអារម្មណ៍មិនស្រួល ឬបញ្ហាអ្វីមួយ ប៉ុន្ដែពេលខ្លះ វាក៏អាចជាសញ្ញានៃការលេងសើច និងរំភើបផងដែរ។ ហើយចំពោះសុនខរបស់នាងផ្ទាល់ តែងតែបង្ហាញនូវស្នាមញញឹមចេញធ្មេញជានិច្ច ដែលនាងចាប់ទុកថា វាគឺជាការឆ្លើយតបវិជ្ជមាន៕
សូមទស្សនារូបភាពនិងវីដេអូខាងក្រោម៖