ចិត្ត កញ្ចនា​ តក់ស្លុតយ៉ាងខ្លាំង ក្រោយជួបការបំពានបែបនេះនៅកន្លែងសាធារណៈ​ (មានវីដេអូ)

ភ្នំពេញ៖ កាលពីម្សិលមិញ វេលាម៉ោង ១០ ព្រឹក តារាចម្រៀង ចិត្ត កញ្ចនា បានជិះម៉ូតូត្រឡប់មកពីហាត់ប្រាណ​ នៅតាមបណ្តោយផ្លូវម្តុំផ្សារដេប៉ូ​ក៏បានជួបប្រទះនឹងរឿងមួយដែលប៉ះពាល់ដល់អារម្មណ៍កញ្ញា​យ៉ាងខ្លាំង ក្នុងនោះដែរកញ្ញាបាននិយាយថា «មានបុរស​វ័យប្រហែល​៥០ឆ្នាំ​មា្នក់បានពោលពាក្យសម្តីមិនគប្បី អមទៅដោយកាយវិការមិនសមរម្យ ហើយជិះម៉ូតូកៀកនឹងកញ្ញាធ្វើឲ្យកញ្ញាមានអារម្មរណ៍ភ័យខ្លាច តានតឹង និងមានសម្ពាធយ៉ាងខ្លាំង»។

កញ្ញាក៏បាននិយាយទៀតថា ពេលស្ថិតនៅក្នុងស្ថានភាពនោះ​ កញ្ញាមិនបានចុះចាញ់ឬ​ឲ្យស្ថានភាពអាក្រក់មួយនោះគ្របដណ្តប់បានទេ គឺកញ្ញាបានជិះម៉ូតូគេចចេញ​ ដោយទៅជិះក្បែរនឹងអ្នកដំណើរលើបណ្តោយផ្លូវម្តុំផ្សារដេប៉ូនោះ​ ទើបអាចចេញផុតពីស្ថានភាពបែបនោះបាន។ 

បន្ថែមពីលើនេះ ​កញ្ញា កញ្ចនា បានបង្ហាញ​អារម្មណ៍​ហួសចិត្ត ចំពោះរឿងរ៉ាវដែលបានកើតឡើង ព្រោះ​នោះជាពេលព្រឹកនៅលើផ្លូវសារធាណៈផង មិនគួរណា​មានរឿងបែបនេះកើតឡើង​។ ទន្ទឹមនឹងនោះ ​តារាចម្រៀងស្រី ចិត្ត កញ្ចនា ក៏បានផ្តល់ជាការលើកចិត្ត និងជំរុញឲ្យមនុស្សទាំងអស់បើជួបរឿងរ៉ាវបែបនេះ ត្រូវតាំងស្មារតីឱ្យរឹងមាំឡើង និងត្រូវប្រញាប់រត់រកជំនួយពីអ្នកនៅក្បែរនោះផងដែរ៕

សូមទស្សនារូបភាព និងវីដេអូខាងក្រោម៖