ទីបំផុតតារាចម្រៀង ឆន សុវណ្ណារាជ បើកបង្ហាញផលិតផលដែលមានប៊្រេនឈ្មោះ “CSR” ជាផ្លូវការហើយ

ភ្នំពេញ៖ កាលពីប៉ុន្មានខែមុននេះ តារាចម្រៀងប្រចាំផលិតកម្ម រស្មីហង្សមាស លោក ឆន សុវណ្ណារាជ បានបង្ហោះរូបភាព និងវីដេអូពីប៊្រេនមួយដែលមានឈ្មោះថា “CSR by Chhorn Sovannareach” ប៉ុន្តែលោកមិនទាន់បង្ហាញ និងប្រាប់ថាជាផលិតផលអ្វីឡើយ ទើបធ្វើឲ្យមហាជន និងអ្នកគាំទ្រជាច្រើនមានការងឿងឆ្ងល់យ៉ាងខ្លាំង។

ជាក់ស្តែង កាលពីម្សិលមិញនេះ តារាចម្រៀងប្រុសសម្លេងផ្អែមរូបនេះ បានបង្ហោះរូបជាច្រើនពីការបើកសម្ពោធក្រុមហ៊ុនផលិតផលថ្មីរបស់លោក។ ក្នុងនោះផងដែរ លោកបានសរសេរថា “ហេងហេង លាភជ័យថ្ងៃឡើងក្រុមហ៊ុនថ្មី ជួយគាំទ្រផងណាបាទ”។

គួរបញ្ជាក់ផងដែរថា សម្រាប់ផលិតផលថ្មីរបស់លោកគឺមានឈ្មោះថា រាជ ស្គីនឃែរ (Reachskincare) ដែលជាផលិតផលថែរក្សាសម្រស់ទាំងបុរស និងនារី៕
សូមទស្សនារូបភាពខាងក្រោមនេះ៖