ភ្នំពេញ៖ ប៉ុន្មានថ្ងៃនេះនៅក្នុងបណ្តាញសង្គម ពិសេសនៅក្នុងហ្វេសប៊ុកមានការភ្ញាក់ផ្អើល និងស៊ែរចុះឡើងៗ​ពីរឿងរ៉ាវរបស់តារាចម្រៀង ខេម ផលិតកម្មថោន និងតារាប្រុសស្រីជាច្រើនទៀត។

តួយ៉ាងកាលពីយប់មិញនេះ តារាចម្រៀង ខេម ក៏បានបង្ហោះសារយ៉ាងធ្ងន់ៗថា ចំពោះរូបលោកគឺដាច់ខាតមិនសុំទោសឡើយ បើសិនជាលោកមានកំហុស គឺសុខចិត្តដើរចូលគុក។ ក្រោយពី ខេម បង្ហោះរូបជាច្រើនសន្លឹក និងសារដ៏វែងឆ្លើយឆ្លង និងបកស្រាយទៅកាន់ផលិតកម្ម ក៏ធ្វើឲ្យមានការភ្ញាក់ផ្អើលម្តងទៀតទាំងយប់។
រំលងបានប៉ុន្មានម៉ោងស្រាប់តែលោក ហេង ឡុង បានបង្ហោះសារនៅក្នុងផេកហ្វ៊េសប៊ុករបស់លោកដោយសរសេរថា “ដំណឹងល្អសម្រាប់បងប្អូន បន្ទាប់ពីចំណាយពេលជាង3ម៉ោងរហូតដល់ម៉ោង១យប់
ខ្ញុំបាទបានរកដំណោះស្រាយឈ្នះឈ្នះដើម្បីបញ្ចប់ជម្លោះរវាងផលិតកម្មថោន នឹងតារាចម្រៀង ខេម។ 
ទីបំផុតភាគីទាំងពីរបានទទួលយកដំណោះស្រាយរួមមួយ ដោយបញ្ចប់ជម្លោះ អត់ឱនអធ្យាស្រ័យឲ្យគ្នា បញ្ចប់ការវាយប្រហារគ្នា បន្តការរាប់អានគ្នាជាបងប្អូនខ្មែរដូចគ្នា ក្រោមគោលការណ៍ឈ្នះឈ្នះ ដើម្បីបន្តជ្រកក្រោមម្លប់សន្តិភាព ក្រោមការដឹកនាំដ៏ខ្ពង់ខ្ពស់របស់សម្តេចតេជោ ហ៊ុន សែន។ អរគុណសន្តិភាព”

ក្រោយពីជម្លោះរវាងតារាចម្រៀង​ ខេម និងផលិតកម្មថោន រួចមកសង្កេតឃើញថា ទាំងនៅក្នុងផេកផ្លូវការរបស់ផលិតកម្មថោន និងផេកផ្លូវការរបស់ ខេម ក៏បានធ្វើការលុបរាល់រូបភាព និងសារដែលទាក់ ទងពីជម្លោះនេះចេញពីបណ្តាញសង្គមហើយ៕

សូមទស្សនារូបភាពខាងក្រោម៖ 

ខេម
ខេម
ហេង ឡុង 

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

ចង់ក្លាយជាអ្នកសរសេរក្រៅម៉ោងមានប្រាក់ចំណូលសូមចុះឈ្មោះទីនេះ

ហេង ឡុង