ដើម្បីឱ្យមានសុវត្ថិភាពក្នុងពេលមានជំងឺរាតត្បាតយើងត្រូវលះបង់អ្វីៗជាច្រើនដែលយើងពេញចិត្ត រួមទាំងការប៉ះពាល់រាងកាយជាមួយអ្នកដទៃគឺការចាប់ដៃ ថើប និងឱប។ ការស្រាវជ្រាវបានបង្ហាញថា មនុស្សត្រូវការការប៉ះរាងកាយដើម្បីមានសុខភាពផ្លូវចិត្តនិងរាងកាយ។ បើគ្មានវាទេមនុស្សជាច្រើនក្លាយជាមនុស្សឯកា ក្រៀមក្រំ ហើយថែមទាំងឈឺទៀតផង។ ដូច្នេះប្រសិនបើអ្នកមានអារម្មណ៍ថា អ្នកត្រូវការឱបអ្វីមួយ អ្នកអាចដាក់ដៃរបស់អ្នកឱបដើមឈើបាន។ ការឱបដើមឈើអាចស្តាប់ទៅចម្លែកបន្តិច ប៉ុន្តែមនុស្សបានអនុវត្តទម្រង់នៃការព្យាបាលដោយធម្មជាតិនេះអស់រយៈពេលជាច្រើនឆ្នាំមកហើយ។

រូបតំណាង

ថ្មីៗនេះអ៊ីស្រាអែលបានផ្សព្វផ្សាយការឱបដើមឈើនៅលើបណ្តាញសង្គម។ ទីភ្នាក់ងារធម្មជាតិ និងឧទ្យានរបស់ប្រទេសនេះគឺនៅពីក្រោយយុទ្ធនាការសុខភាពសាធារណៈ។ Orit Steinfeld គឺជាប្រធានផ្នែកទីផ្សារនៅឧទ្យានជាតិអាប៉ូឡូលីនរបស់អ៊ីស្រាអែល។ អ្នកនាងបាននិយាយថា នៅរដូវកាលនៃការឆ្លងជំងឺកូវីដ១៩ មិនល្អនេះ យើងសូមណែនាំដល់ប្រជាជននៅជុំវិញពិភពលោកឱ្យចេញទៅរកធម្មជាតិដកដង្ហើមវែងៗ ឱបដើមឈើដើម្បីបង្ហាញពីសេចក្តីស្រឡាញ់របស់អ្នក និងទទួលបានសេចក្តីស្រឡាញ់។

សព្វថ្ងៃនេះយើងមិនឱបមនុស្សច្រើនពេកទេ។ ការឱបដើមឈើពិតជារឿងល្អដែលត្រូវធ្វើ។ យុទ្ធនាការឱបដើមឈើរបស់អ៊ីស្រាអែលមិនមែនជាលើកដំបូងនៃជំងឺរាតត្បាតទេ។ សេវាកម្មព្រៃឈើរបស់អ៊ីស្លង់បានចាប់ផ្តើមកិច្ចខិតខំប្រឹងប្រែងស្រដៀងគ្នានេះកាលពីខែមេសា។ ពួកគេបានណែនាំឱ្យមនុស្សគ្រប់គ្នានៅក្នុងប្រទេសឱបដើមឈើយ៉ាងហោចណាស់ប្រាំនាទីជារៀងរាល់ថ្ងៃផងដែរ៕

រូបតំណាង

ប្រភព: CNN News 

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក យល់ដឹង និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

ចង់ក្លាយជាអ្នកសរសេរក្រៅម៉ោងមានប្រាក់ចំណូលសូមចុះឈ្មោះទីនេះ