នីហ្សេរីយ៉ា៖ ក្មេងប្រុសជនជាតិនីហ្សេរីយ៉ាម្នាក់ មានឈ្មោះថា Anthony Mmesoma Madu អាយុ ១១ឆ្នាំ ត្រូវបានសាលាបង្រៀនរាំនៅញូយ៉ក ផ្ដល់អាហារូបករណ៍ជូនជាទីគាប់ចិត្ដ បន្ទាប់ពីវីដេអូនៃការសម្ដែងរបាំបាឡេរបស់គេ ខណៈពេលមេឃកំពុងភ្លៀង ទទួលបានការគាំទ្រយ៉ាងខ្លាំងនៅលើបណ្ដាញអុីនធឺណេត។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាក់ស្ដែង នៅក្នុងវីដេអូឃ្លីបនោះបានបង្ហាញឲ្យឃើញថា Madu កំពុងរាំលើបេតុងទាំងជើងទទេ នៅខាងក្រៅស្ទូឌីយោដែលគេហ្វឹកហាត់ ខណៈដំណក់ទឹកភ្លៀងកំពុងបន្ដធ្លាក់ចុះ។ តែរឿងនឹកស្មានមិនដល់ វីដេអូឃ្លីបដែលបង្ហាញពីការសម្ដែងរបាំបាឡេដ៏ស្ទាត់ជំនាញរបស់គេ មានអ្នកចុចចូលទស្សនារហូតដល់ជាង ១៥លានដងឯណោះ។
Madu បានប្រាប់អ្នកសារព័ត៌មានថា៖
ដោយឡែក បើតាមប្រភពព័ត៌មានបានឲ្យដឹងដែរថា ឪពុកម្ដាយរបស់ Madu ចង់ឲ្យរូបគេក្លាយជាគ្រូគង្វាល តែផ្ទុយទៅវិញ Madu គឺកំពុងទាក់ទាញក្រសែរភ្នែកមនុស្សរាប់លាននាក់ ជាមួយនឹងការរាំរបាំបាឡេ។
យ៉ាងណាមិញ ក្រោយពីទទួលបានការចាប់អារម្មណ៍ពីមហោស្របរបាំបាឡេអាមេរិករួចមក Madu នឹងទទួលបានការបណ្ដុះបណ្ដាលតាមអុីនធឺណេតបណ្ដោះអាសន្នសិននៅរដូវក្ដៅនេះ ហើយឆ្នាំក្រោយរូបគេនឹងត្រូវបញ្ជូនទៅហ្វឹកហាត់ នៅសាលារបាំ Ballet Beyond Borders របស់សហរដ្ឋអាមេរិកផ្ទាល់តែម្ដង៕
សូមទស្សនារូបភាព និងវីដេអូខាងក្រោម៖