អុីតាលី៖ ជារឿងមួយគួរឲ្យសោកស្តាយជាពន់ពេក ដែលរូបចំលាក់ដែលមាន២១៦ឆ្នាំ ដ៏សែនកម្រមួយដែលមានឈ្មោះថា Antonio Canova ត្រូវបានភ្ញៀវទេសចរណ៍អូស្ត្រាលីម្នាក់បង្កភាពខូចខាត ដោយបាក់ម្រាមជើង ខណៈពេលដែលគាត់យកដៃច្រត់ដើម្បីថតរូប។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សដោយឡែក នៅក្នុងវីដេអូមួយ ដែលថតចេញពីកាមេរ៉ាសុវត្ថិភាពនៅក្នុងសារមន្ទីរនោះ បានបង្ហាញពីសកម្មភាពបុរសម្នាក់បាន យកដៃនិង ដងខ្លួនផ្អែកទៅរូបចំលាក់មួយដើម្បីថតរូបទុកបង្ហោះនៅក្នុងបណ្តាញសង្គម ប៉ុន្តែជាអកុសល ដោយមិនបានប្រុងប្រយ័ត្ន គាត់ក៏បានធ្វើឲ្យរូបចម្លាក់នោះបាក់ម្រាមជើងអស់៣ ដោយកំហុតអចេតនាផងដែរ។
ទោះបីជាយ៉ាងណាក៏ដោយ ខាងសារមន្ទីរ Antonio Canova បានរិះរកមធ្យោបាយដើម្បីកែច្នៃយ៉ាងណាដើម្បីឲ្យវត្ថុបុរាណនោះវិលទៅរកសភាពដើមឡើងវិញផងដែរ បន្ទាប់ពីបុរសអូស្ត្រាលីម្នាក់នោះ ក៏បានធ្វើការសូមទោសទៅកាន់សារមន្ទីរនោះផងដែរ ចំពោះកំហុសដែលខ្លួនបានធ្វើដោយការធ្វេសប្រហែសរបស់ខ្លួន៕
សូមចូលមើលរូបភាពនិង វីដេអូខាងក្រោម៖