ស្វីតណាស់! យុវជនម្នាក់ ចំណាយពេលមើលថែមិត្តស្រីដែលកើតជំងឺកូវីដ-១៩ នៅខាងក្រៅផ្ទះទាំងថ្ងៃនិងយប់ រហូតដល់នាងជាសះស្បើយ

អាមេរិក៖ យុវជនម្នាក់មានឈ្មោះថា Collin Quellette អាយុ១៩ឆ្នាំ បានចំណាយពេលអង្គុយនៅខាងក្រៅផ្ទះទាំងថ្ងៃនិងយប់ ដើម្បីមើលថែមិត្តស្រីដែលកើតជំងឺកូវីដ-១៩។

នាង Camila Baldasso អាយុ១៧ឆ្នាំ ត្រូវជាមិត្តស្រី បានឲ្យដឹងថា នាងនិងមិត្តប្រុស បាននាំគ្នាទៅធ្វើតេស្ដរកជំងឺកូវីដ-១៩ ដោយលទ្ធផលចេញមក នាងវិជ្ជមាន ហើយមិត្តប្រុសអវិជ្ជមាន។ ហើយមិត្តប្រុសរបស់នាង មានអារម្មណ៍សោកសៅជាខ្លាំង នៅពេលដែលត្រូវដឹងថា មិនបានជួបនាងដូចរាល់ដង ខណៈពេលនាងត្រូវសម្រាកព្យាបាលជំងឺ។

បើទោះជាយ៉ាងណាក្ដី មិត្តប្រុសរបស់នាង បានមកអង្គុយនៅខាងក្រៅផ្ទះមើលនាងតាមមាត់បង្អួចជារៀងរាល់ថ្ងៃ ដោយចំណាយពេលពីមួយម៉ោងទៅពីរម៉ោង និងនាំយកអាហារមកអង្គុយបរិភោគផងដែរ។ ហើយមានថ្ងៃខ្លះពេលល្ងាច ពួកគេទាំងពីរក៏បានទទួលទានអាហារមើលមុខគ្នាទៅវិញទៅមកផងដែរ។

ទន្ទឹមនឹងនោះដែរ នាងមានអារម្មណ៍មិនសូវល្អឡើយ ដោយសារតែមិត្តប្រុស ត្រូវអង្គុយក្រោមមេឃភ្លៀងពេលខ្លះ និងត្រូវមូសខាំទៀតផង។

យ៉ាងណាមិញ រយៈពេល១០ថ្ងៃក្រោយមក នាង Baldasso បានជាសះស្បើយពីជំងឺកូវីដ-១៩វិញ ហើយអ្វីដែលនាង និងមិត្តប្រុសធ្វើដំបូងពេលជួបគ្នានោះ គឺរត់ឱបគ្នាដោយក្ដីនឹក និងស្រលាញ់៕

សូមទស្សនារូបភាពខាងក្រោម៖