បរទេស៖ ខ្សែភាពយន្តខ្នាតធំ «Mulan» របស់ Disney ត្រូវបានពន្យារពេលជាច្រើនដងក្នុងឆ្នាំនេះ ដោយសារតែការផ្ទុះឡើងនៃវីរុសសកលកូវីដ១៩ តែយ៉ាងណាមិញ ទស្សនិកជននឹងអាចមើល ខ្សែភាពយន្តនេះក្នុងពេលឆាប់ៗនេះ តែវាប្រហែលជា មិនមាននៅក្នុងរោងកុនទេ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សយោងតាម ក្រុមហ៊ុន Disney (DIS) បានប្រកាសនៅថ្ងៃអង្គារនេះ រឿងប្រភេទ live-action ដែលយកលំនាំរឿងបែបគំនូរជីវចលស៊េរីឆ្នាំ ១៩៩៨ បាននឹងឆ្ពោះទៅកាន់ Disney + ដែលជាសេវាកម្មប្រភេទអនឡាញ ដែលបានដាក់ជួលឲ្យមហាជនក្នុងតម្លៃបន្ថែម ២៩.៩៩ ដុល្លារ ដែលខ្សែភាពយន្តនេះ នឹងមាននៅថ្ងៃទី ៤ ខែកញ្ញា។
ក្នុងនោះដែរ លោក Bob Chapek អគ្គនាយកក្រុមហ៊ុន Disney បានមានប្រសាសន៍ថា ជំងឺរាតត្បាតនេះបាន បង្ខំឲ្យ ក្រុមហ៊ុនគិតអំពី «វិធីសាស្រ្តផ្សេងៗ» ដើម្បីបម្រើអតិថិជនឱ្យកាន់តែប្រសើរឡើង។ លោកបាននិយាយថា យើងគិតថាវាសំខាន់ណាស់ ក្នុងការរកវិធីផ្សេងដើម្បីនាំយកខ្សែភាពយន្តបែបលក្ខណៈគ្រួសារ ទៅកាន់មហាជនឲ្យទាន់ពេលវេលា។
បន្ថែមពីនេះ ព័ត៌មាននៃការចេញផ្សាយនេះ បានកើតឡើងនៅពេលដែលក្រុមហ៊ុន Disney បានចេញផ្សាយលទ្ធផលប្រចាំត្រីមាស ដែលបានបង្ហាញពីវិសាលភាព ដែលចក្រភពប្រព័ន្ធផ្សព្វផ្សាយរបស់ក្រុមហ៊ុនមួយនេះ ត្រូវបានដុនដាបបំផ្លាញដោយរោគរាតត្បាត ដែលក្រុមហ៊ុនបានរាយការណ៍ថា ខ្លួនមានការខាតបង់ជិត ៥ ពាន់លានដុល្លារនៅក្នុងត្រីមាសទី ៣ ឆ្នាំនេះ៕
សូមទស្សនារូបខាងក្រោម៖
Bong I.T