រដ្ឋបាលខេត្តព្រះសីហនុកាលពីថ្ងៃ ១ សីហាកន្លងទៅបានចេញសេចក្តីជូនដំណឹងមួយថា ចាប់ពីថ្ងៃទី៣១ ខែកក្កដា ឆ្នាំ២០២០​សម្ពាធទាបមួយ បានកើតឡើងនៅលើសមុទ្រចិនខាងត្បូង ហើយវិវត្តន៍ទៅជាវិសម្ពាធទាបដែល​បង្កើត​ឲ្យមានឥទ្ធិពលទៅជាព្យុះទី៣ ឈ្មោះ ស៊ីនឡាគូ ( SINLAKU ) ហើយបោកបក់មកកាន់តំបន់ភ្នំ និងឆ្នេរសមុទ្រ​កម្ពុជាបណ្តាលឲ្យមានភ្លៀងធ្លាក់ច្រើន និងខ្យល់បក់បោកខ្លាំង។

សេចក្តីជូនដំណឹងដដែលបញ្ជាក់ថា ចាប់ពីថ្ងែទី០១ ដល់ថ្ងែទី០៥ ខែសីហា ឆ្នាំ២០២០ នៅខេត្តព្រះសីហនុ​នឹងប្រឈមនឹងជំនន់ទឹកភ្លៀង ( Flash Flood ) រួមជាមួយខ្យល់បក់បោកខ្លាំង និងរលកសមុទ្រខ្ពស់ៗ ដែល​អាជ្ញាធរបានប្រាប់ឲ្យក្រុមហ៊ុនដឹកជញ្ជូន ពលរដ្ឋ ភ្ញៀវទេសចរណ៍មានការប្រុងប្រយ័ត្នខ្ពស់ផងដែរ។

គួររំឭកថា អាជ្ញាធរខេត្តព្រះសីហនុនៅល្ងាចថ្ងៃ ២ សីហា ម្សិលមិញនេះ បានប្រកាសផ្អាកការធ្វើចរាចរណ៍ នៅ​កំណាត់​ផ្លូវលេខ១៤៦B ពីស្រុកស្ទឹងហាវ មកកាន់ស្រុកព្រៃនប់ជាបណ្តោះអាសន្ន។ ចំពោះមូលហេតុដែល​បណ្តាល​ឲ្យមានការ​ផ្អាកយ៉ាងដូច្នេះ ដោយរដ្ឋបាលខេត្តបញ្ជាក់ថា កំណាត់ផ្លូវនេះត្រូវបានបាក់ស្រុត និងត្រូវការ​ជួសជុលជាមុនសិន។

រដ្ឋបាលខេត្ត បានប្រកាសនៅលើគេហទំព័រហ្វេសប៊ុកថា៖ «កំណាត់ផ្លូវលេខ១៤៦B ពីស្រុកស្ទឹងហាវមក​កាន់ស្រុក​ព្រៃនប់ ត្រូវបានផ្អាកការធ្វើចរាចរណ៍ជាបណ្តោះអាសន្ន ដោយសារកំណាត់ផ្លូវនេះរងការខូចខាតដោយសារបាក់ដី និងត្រូវការធ្វើការជួសជុលជាបន្ទាន់»៕

សេចក្តីជូនដំណឹងពីរដ្ឋបាលខេត្តព្រះសីហនុ

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

ចង់ក្លាយជាអ្នកសរសេរក្រៅម៉ោងមានប្រាក់ចំណូលសូមចុះឈ្មោះទីនេះ