ហាងកាហ្វេ Yellow Caff Phnom Penh បានបើកសម្ពោធសាខាដំបូងរបស់ខ្លួនជាផ្លូវការ

ភ្នំពេញ៖ ហាងកាហ្វេ Yellow Caff Phnom Penh ដែលជាប្រេនបង្កើតដោយកូនខ្មែរ បានបើកសម្ពោធសាខាដំបូងរបស់ខ្លួនជាផ្លូវការ កាលពីថ្ងៃទី៣១ ខែកក្កដា ឆ្នាំ២០២០ ដែលមានទីតាំងនៅផ្ទះលេខ៤៤ ផ្លូវលេខ៦០៨ សង្កាត់បឹងកក់២ ខណ្ឌទួលគោក រាជធានីភ្នំពេញ។

លោកស្រី អ៊ួន និញ៉ម ដែលជាម្ចាស់ហាង Yellow Caff Phnom Penh បានអោយដឹងថា Yellow Caff ត្រូវបានបង្កើតឡើងដោយកូនខ្មែរ និងមានការសហការជាមួយដៃគូរខាងប្រទេសថៃ  ហើយចក្ខុវិស័យរបស់លោកស្រី គឺចង់កសាងភាពល្បីល្បាញនៃម៉ាកសញ្ញារបស់កូនខ្មែរទាំងក្នុង និងក្រៅប្រទេស។ ក្នុងឆ្នាំ២០២០នេះ Yellow Caff មានគម្រោងពង្រីកប្រមាណ១០សាខាបន្ថែមទៀតនៅរាជធានីភ្នំពេញ មិនតែប៉ុណ្ណោះ Yellow Caff នឹងពង្រីងនៅទូរទាំង២៥ខេត្តក្រុងប្រទេសកម្ពុជា ក្នុងពេលឆាប់ៗនេះផងដែរ។

លោកស្រីបានបន្ថែមថា ភេសជ្ជៈប្រចាំហាងរបស់លោកស្រីមានដូចជា៖ Esyenn Champion , Autumn Americano , Yellow Dirty ក្រៅពីកាហ្វេក៏មានជាប្រភេទភេសជ្ជៈផ្សេង និងអាហារផងដែរ។

លោកស្រី អ៊ួន និញ៉ម ជឿជាក់ថា វត្តមានរបស់ Yellow Caff គឺជាការចូលរួមចំណែកមួយក្នុងការកសាងសេដ្ឋកិច្ចជាតិ តាមរយ:ការផ្តល់ឱកាសការងារ ដល់សិស្ស-និស្សិត និងប្រជាជនខ្មែរ ព្រមទាំងផ្តល់នូវចំណេះជំនាញដែលពួកគាត់អាចយកទៅប្រើប្រាស់ ឬបើកអាជីវកម្មផ្ទាល់ខ្លួននាថ្ងៃអនាគត។

សូមបញ្ជាក់ថា ក្នុងថ្ងៃបើកសម្ពោធសាខាដំបូង Yellow Caff Phnom Penh ក៏មានការលក់ប្រម៉ូសិនពិសេស គឺទិញ១ ថែម១ រហូតដល់ពាក់កណ្តាលខែសីហានេះផងដែរ៕