ម៉ិកស៊ិក៖ ក្រសួងសុខាភិបាលម៉ិចស៊ិកបាននិយាយនៅថ្ងៃ ៣០ កក្កដា ម្សិលមិញនេះថា ករណីមនុស្សស្លាប់ចំនួន ៦៣៩ នាក់ ទាក់ទងនឹងជំងឺ COVID-១៩ ត្រូវបានរាយការណ៍ក្នុងកំឡុងពេល ២៤ ម៉ោងកន្លងមក ដែលចំនួនអ្នក​ស្លាប់​​​ដោយ​សារ​ជំងឺរាតត្បាតនេះកើនឡើងដល់ ៤៦,០០០ នាក់។

ប្រទេសដែលមានព្រំដែនភាគខាងជើងជាមួយសហរដ្ឋអាមេរិក និងជាប្រទេសដែលរងគ្រោះខ្លាំង​នៅលើ​ពិភពលោកមួយនេះ បានរាយការណ៍ថាមានករណីឆ្លងសរុបចំនួន ៤១៦,១៧៩ ករណីគឺកើនឡើងច្រើនជាងថ្ងៃមុន ៧,៧៣០ នាក់។

រូបតំណាង

ប្រទេសម៉ិកស៊ិកមានចំនួនអ្នកស្លាប់ដោយជម្ងឺ COVID-១៩ ខ្ពស់ជាងគេទី ៤ នៅលើពិភពលោកបន្ទាប់ពី​សហរដ្ឋអាមេរិក​ ប្រេស៊ីល និងអង់គ្លេស។ នៅពេលសមត្ថភាពតេស្តរកជំងឺ COVID-១៩ នៅក្នុងប្រទេសកើនឡើង រដ្ឋាភិបាលបានប៉ាន់ប្រមាណថា ចំនួនពិត​ប្រាកដ​នៃការឆ្លងទំនងជាខ្ពស់ជាងតួរលេខបច្ចុប្បន្ន។

ក្រសួងការបរទេសម៉ិកស៊ិកបាននិយាយកាលពីពាក់កណ្តាលខែកក្កដាថា ប្រទេសនេះព្យាយាមពង្រីក និងពង្រឹង ការរឹត​បន្តឹងលើការធ្វើដំណើរតាមព្រំដែនដែលមិនចាំបាច់ជាមួយសហរដ្ឋអាមេរិករយៈពេល ៣០ ថ្ងៃបន្ថែមទៀត៕

រូបតំណាង
រូបតំណាង

ប្រភព៖ ទីភ្នាក់ងារសារព័ត៌មានស៊ីនហួរ

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

ចង់ក្លាយជាអ្នកសរសេរក្រៅម៉ោងមានប្រាក់ចំណូលសូមចុះឈ្មោះទីនេះ