ម៉ិកស៊ិក៖ ក្រសួងសុខាភិបាលម៉ិចស៊ិកបាននិយាយនៅថ្ងៃ ៣០ កក្កដា ម្សិលមិញនេះថា ករណីមនុស្សស្លាប់ចំនួន ៦៣៩ នាក់ ទាក់ទងនឹងជំងឺ COVID-១៩ ត្រូវបានរាយការណ៍ក្នុងកំឡុងពេល ២៤ ម៉ោងកន្លងមក ដែលចំនួនអ្នកស្លាប់ដោយសារជំងឺរាតត្បាតនេះកើនឡើងដល់ ៤៦,០០០ នាក់។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សប្រទេសដែលមានព្រំដែនភាគខាងជើងជាមួយសហរដ្ឋអាមេរិក និងជាប្រទេសដែលរងគ្រោះខ្លាំងនៅលើពិភពលោកមួយនេះ បានរាយការណ៍ថាមានករណីឆ្លងសរុបចំនួន ៤១៦,១៧៩ ករណីគឺកើនឡើងច្រើនជាងថ្ងៃមុន ៧,៧៣០ នាក់។
ប្រទេសម៉ិកស៊ិកមានចំនួនអ្នកស្លាប់ដោយជម្ងឺ COVID-១៩ ខ្ពស់ជាងគេទី ៤ នៅលើពិភពលោកបន្ទាប់ពីសហរដ្ឋអាមេរិក ប្រេស៊ីល និងអង់គ្លេស។ នៅពេលសមត្ថភាពតេស្តរកជំងឺ COVID-១៩ នៅក្នុងប្រទេសកើនឡើង រដ្ឋាភិបាលបានប៉ាន់ប្រមាណថា ចំនួនពិតប្រាកដនៃការឆ្លងទំនងជាខ្ពស់ជាងតួរលេខបច្ចុប្បន្ន។
ក្រសួងការបរទេសម៉ិកស៊ិកបាននិយាយកាលពីពាក់កណ្តាលខែកក្កដាថា ប្រទេសនេះព្យាយាមពង្រីក និងពង្រឹង ការរឹតបន្តឹងលើការធ្វើដំណើរតាមព្រំដែនដែលមិនចាំបាច់ជាមួយសហរដ្ឋអាមេរិករយៈពេល ៣០ ថ្ងៃបន្ថែមទៀត៕
ប្រភព៖ ទីភ្នាក់ងារសារព័ត៌មានស៊ីនហួរ