ស្ងាត់ៗ តារាសម្តែងល្បីៗប៉ុន្មានរូបនេះ បានចុះកុងត្រាជាមួយទូរទស្សន៍ប៉ុស្តិ៍លេខ៣

ថៃ៖ បច្ចុប្បន្ននេះ តារាសម្តែងថៃប្រុសស្រីល្បីៗជាច្រើនរូប បានជ្រកនៅក្រោមទូរទស្សន៍ថៃបុស្តិ៍លេខ៣ ។ ហើយកាលពីថ្មីៗនេះ ក៏មានតារាប្រុសស្រីចំនួន ៣រូបផ្សេងទៀត ទើបនឹងចុះកុងត្រាជាមួយបុស្តិ៍លេខ៣  ដែលតារាទាំង ៣នោះមានដូចជា៖

១. កញ្ញា Bow Maylada

តារាសម្តែងស្រីដ៏មានទេពកោសល្យ កញ្ញា Bow Maylada បានសម្រេចចិត្តមិនបន្តកុងត្រាថ្មីជាមួយនឹងប៉ុស្តិ៍លេខ៧ បន្ទាប់ពីកុងត្រាចាស់ផុតទៅកាលពីខែឧសភា ឆ្នាំ២០២០ កន្លងទៅនេះ។

ហើយកាលពីថ្មីៗនេះ តារាសម្តែងរូបនេះ បានចុះកុងត្រាថ្មីជាមួយទូរទស្សន៍ថៃបុស្តិ៍លេខ៣ ជាផ្លូវការហើយ។ មិនតែប៉ុណ្ណោះ នាងនឹងសម្តែងរឿងភាគថ្មី ដែលមានចំណងជើងថា "Ruk Nong Pak Ka Yang" ជាមួយនឹងលោក Nadech Kugimiya ក្នុងពេលឆាប់ៗនេះ។

២. លោក Mean Phiravich

យោងតាមទូរទស្សន៍ថៃប៉ុស្តិ៍លេខ៣ តារាសម្តែងប្រុសលោក Mean Phiravich នឹងចូលរួមការប្រគំតន្ត្រី “Channel 3 Supernova” នៅថ្ងៃទី២៣ ខែសីហា ឆ្នាំ២០២០ ខាងមុននេះ ជាមួយតារាល្បីៗជាច្រើនរូបទៀត។

៣. លោក Tee Tanapon

កាលពីថ្មីៗនេះ លោក Tee Tanapon បានចុះកិច្ចកុងត្រាជាផ្លូវការជាមួយទូរទស្សន៍ថៃប៉ុស្តិ៍លេខ៣ ។ ហើយឆាប់ៗនេះ គាត់ក៏នឹងចូលរួមការប្រគំតន្រ្តីក្នុងប៉ុស្តិ៍លេខ៣ ដែរ៕