ប៉ូឡូញ៖ កាលពីថ្ងៃអាទិត្យទី១៩ ខែកក្កដាកន្លងទៅថ្មីៗនេះ ក្រុមអ្នកគាំទ្រ បានជួលឡានស្ទួច ដើម្បីឈរទស្សនាការប្រណាំងល្បឿនលឿនថ្នាក់ជាតិ និងរក្សាគម្លាតសង្គម កំឡុងពេលវីរុសកូរ៉ូណាកំពុងរាតត្បាត។

ប្រភពព័ត៌មានបានឲ្យដឹងថា ពហុកីឡដ្ឋាននោះមានឈ្មោះថា Zuzlowy Motor Lublin ស្ថិតក្នុងប្រទេសប៉ូឡូញ ដែលអាចផ្ទុកមនុស្សបានរហូតដល់ទៅ១៣,០០០នាក់។ តែយ៉ាងណាក្ដី ខាងពហុកីឡាដ្ឋាន បានអនុញ្ញាតឲ្យមនុស្សចូលទស្សនាត្រឹមតែ២៥ភាគរយប៉ុណ្ណោះ ដើម្បីបង្ការពីការឆ្លងវីរុសកូរ៉ូណា។

ដោយមិនចង់ខកខាន ក្រុមអ្នកគាំទ្រ បានជួលឡានស្ទួចចំនួន២១គ្រឿង ដើម្បីឲ្យពួកគេអាចឈរទស្សនាការប្រណាំងពីក្រៅពហុកីឡដ្ឋានបាន ដែលស្ទួចឡើងទៅលើកម្ពស់ប្រមាណ២០ម៉ែត្រឯណោះពីដី។

យ៉ាងណាមិញ ការជួលឡានស្ទួច ដើម្បីបានទស្សនាការប្រណាំងមិនមែនជាលើកដំបូងនៅពហុកីឡដ្ឋាន Zuzlowy Motor Lublin ឡើយ។ ហើយគេរំពឹងថា នាខែសីហាខាងមុខនេះ មនុស្សចំនួន៥០ភាគរយនឹងត្រូវបានអនុញ្ញាតឲ្យចូលទស្សនាក្នុងពហុកីឡដ្ឋានផងដែរ៕

សូមទស្សនារូបភាពនិងវីដេអូខាងក្រោម៖

ទិដ្ឋភាពក្នុងថ្ងៃនោះ
ទិដ្ឋភាពក្នុងថ្ងៃនោះ
ទិដ្ឋភាពក្នុងថ្ងៃនោះ
ពហុកីឡដ្ឋាន
វីដេអូ

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក ប្លែកៗ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

ចង់ក្លាយជាអ្នកសរសេរក្រៅម៉ោងមានប្រាក់ចំណូលសូមចុះឈ្មោះទីនេះ