ចូលរួមអបអរ! ម៉ាក សែនសូនីតា ក្លាយជាម្ចាស់ហាងលក់គ្រឿងអលង្ការទាំងវ័យក្មេង

ភ្នំពេញ៖ ក្រោយពីស្ងាត់ពីវិស័យសិល្បៈមួយរយៈ ដោយសារតែអ្នកនាង ម៉ាក សែនសូនីតា ហៅ តូតា បានកំពុងតែជាប់ពពោះកូនដំបូង ប៉ុន្តែទោះជាយ៉ាងណា តូតា ក៏នៅតែបន្តអាជីវកម្មរបស់ខ្លួនមមាញឹកយ៉ាងខ្លាំងដូចជា ផលិតផលជំនួយសម្រស់ម៉ាក Gluta និងម៉ាក Fiber Linda plus ជាដើម។ 

កាលពីម្សិលមិញនេះ អ្នកម៉ាក់ដ៏វ័យក្មេងរូបនេះ ក៏បានបង្ហោះរូបហាង និងរូបផ្លាកយីហោមុខជំនួញរបស់ខ្លួនមួយទៀត  ដែលមានឈ្មោះថា "អលង្ការ តូតា" នៅក្នុងបណ្តាញសង្គមដូចជា ហ្វេសប៊ុក និងគណនីអ៊ីនស្តា្រក្រាម ព្រមទាំងបានសរសេររៀបរាប់ថា "ក្តីប្រាថ្នាបើកលក់គ្រឿងអលង្ការតាំងពីតូចរបស់នាងខ្ញុំ ឥលូវក្លាយជាការពិតហើយ ! ជិតបើកហើយណាបងប្អូន...ជួយគាំទ្រមុខរបរថ្មីរបស់នាងខ្ញុំផងណាចាស៎" ។ 

ក្រោយពីបង្ហោះរូបប៉ុន្មានសន្លឹករួចសង្កេតឃើញថា មានបងប្អូន និងមិត្តអ្នករួមសិល្បៈជាច្រើនបានចូលសរសេរពាក្យជូនពរ និងអបអរសាទរយ៉ាងច្រើន។ គួរបញ្ជាក់ផងដែរថា អ្នកម្តាយបង្កើតរបស់អ្នកនាង ម៉ាក សែនសូនីតា ក៏ជាអ្នកលក់មាសពេជ្រ ម្នាក់នៅក្នុងផ្សារធំថ្មីផងដែរ៕

សូមទស្សនារូបភាពខាងក្រោម៖