ចិន​ជោគជ័យក្នុងការបាញ់បង្ហោះយាន ទៅកាន់ភពព្រះអង្គារជាលើកដំបូង (មានវីដេអូ)

ប៉េកាំង៖ ប្រទេសចិនបានធ្វើបេសកកម្មបាញ់បង្ហោះយានរបស់ខ្លួនជាលើកដំបូង​នៅថ្ងៃព្រហស្បតិ៍នេះ ក្នុងគោលបំណងទៅចុះចតនៅលើផ្ទៃភពព្រះអង្គារ ​ដើម្បីធ្វើការស្រាវជ្រាវរប្រភពទឹក និងទឹកកក ដ៏ដូចជាសិក្សាពីបរិយាកាស និងដីនៅទីនោះ។

រ៉ុក្កែត Long March-5 ​ ដែលមានផ្ទុក​ផ្កាយរណបសម្រាប់គោចរ​ និងរ៉ូបូត​ចល័តលើផ្ទៃដីភពអង្គារ ជាមួយនឹងទម្ងន់ប្រហែល ៥តោន ត្រូវបានគេបាញ់បង្ហោះឡើងទៅកាន់ទីអវកាស ដោយចេញពីមូលដ្ឋាន ​Wenchang​ ស្ថិតនៅ​ខេត្ត ​Hainan​ ភាគខាងត្បូងប្រទេសចិន​ កាលពីវេលាម៉ោង ១២ៈ៤១នាទីរសៀល​ (ម៉ោងនៅទីក្រុងប៉េកាំង)។

សូមជម្រាបផងដែរថា យានដែលត្រូវបានបង្ហោះក្នុងបេសកកម្មជាប្រវត្តិសាស្ត្រ​ចិន ដែលមានឈ្មោះថា ​Tianwen-1 នេះ គឺនឹងត្រូវចំណាយពេល​ពី ៦-៧ខែ ​ហើយ​គេរំពឹងថា វានឹងទៅដល់ភពក្រហម (ភពព្រះអង្គារ) នៅ​កំឡុងខែកុម្ភៈឆ្នាំ២០២១៕

សូមទស្សនាវីដេអូខាងក្រោម៖