អាមេរិក៖ ថ្មីៗនេះ មានសកម្មភាពដ៏គ្រោះថ្នាក់មួយ ត្រូវគេថតបាន នៅពេលស្ត្រីជាម្ដាយម្នាក់ និងកូនប្រុស បាននាំគ្នាចុះទៅរើសកាបូបរបស់ខ្លួនដែលធ្លាក់ចូលក្នុងអាងក្រពើទាំងប្រថុយប្រថាន ស្ថិតក្នុងសួនសត្វមួយកន្លែង ក្នុងទីក្រុង Brainerd រដ្ឋ Minnesota។
ឃ្លីបវីដេអូនោះ បង្ហាញឲ្យឃើញថា ក្មេងប្រុសបានរត់ជុំវិញអាងក្រពើ ខណៈពេលក្មេងៗដទៃទៀតដែលកំពុងឈរមើលពីលើ ស្រែកប្រាប់ឲ្យគេនៅឆ្ងាយពីសត្វក្រពើដ៏គ្រោះថា្នក់ទាំងនោះ។ ទោះជាយ៉ាងណាក្ដី រូបគេនៅតែបន្ដរត់បែបនេះ ខណៈដែលម្ដាយ កំពុងព្យាយាមធ្វើយ៉ាងណា ដើម្បីបង្វែរក្បាលហ្វូងក្រពើទាំងនោះ ឲ្យហែលចូលទៅក្នុងអាងវិញ ដោយនាងបានរើសដុំថ្មនិងដំបងបោះចូលទៅក្នុងទឹក។
នៅទីបំផុតអ្នកម្ដាយដ៏ក្លាហានរូបនេះ ក៏អាចយកកាបូបពណ៌ផ្កាឈូករបស់ខ្លួន ចេញពីអាងក្រពើបានវិញផងដែរ ហើយក៏ប្រញាប់ប្រញាល់នាំកូនប្រុសចេញពីទីនោះភ្លាមៗតែម្ដង។
ជុំវិញរឿងរ៉ាវខាងលើ មន្ត្រីសួនសត្វមិនសាទរចំពោះសេចក្ដីក្លាហានបែបនេះទេ ព្រោះវាជាទង្វើដ៏គ្រោះថា្នក់ ដែលអាចបង្កគ្រោះមហន្ដរាយជាយថាហេតុ។ ដោយឡែក នៅថ្ងៃនោះដែរ បុគ្គលិកសួនសត្វមិនបានដឹងឡើយ និងទើបតែដឹង បន្ទាប់ពីបានឃើញវីដេអូដែលគេបង្ហោះចែកចាយលើបណ្ដាញសង្គមប៉ុណ្ណោះ។
យ៉ាងណាមិញ បន្ទាប់ពីបានឃើញដូច្នេះ ខាងសួនសត្វគ្រោងនឹងចាត់វិធានការលើស្ត្រីជាម្ដាយ ចំពោះការនាំកូនប្រុសធ្វើរឿងដ៏គ្រោះថ្នាក់នេះ បើសិនពួកគេអាចកំណត់អត្ដសញ្ញាណរបស់នាងបាន៕
សូមទស្សនារូបភាព និងវីដេអូខាងក្រោម៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក ប្លែកៗ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
ចង់ក្លាយជាអ្នកសរសេរក្រៅម៉ោងមានប្រាក់ចំណូលសូមចុះឈ្មោះទីនេះ
