បុរសម្នាក់នេះ ជាប់ឈ្មោះកំពូលអ្នករៀនមិនចេះចប់ កាន់វិញ្ញាបនបត្រ៣០សន្លឹកក្នុងដៃ ផ្អើលពេញពិភពលោក

ឥណ្ឌូនេស៊ី៖ បុរសឥណ្ឌូនេស៊ីម្នាក់ឈ្មោះថា Welin Kusuma អាយុ៣៩ឆ្នាំ គឺជាអតីតនិស្សិតម្នាក់ដែល ធ្វើឲ្យពិភពលោកស្ញប់ស្ញែងដោយសាររូបលោក បានបញ្ចប់ការសិក្សារច្រើនមុខបំផុតនៅលើពិភពលោក ដោយសរុបទាំងអស់គឺ វិញ្ញាបនបត្រសរុប៣០សន្លឹក។

ដោយឡែក បុរសម្នាក់នេះ បានបញ្ចប់កម្រិតមហាវិទ្យាល័យក្នុងឆ្នាំ១៩៩៩ ក្នុងអាយុ១៨ឆ្នាំ ដោយក្នុងជំនាញដំបូងបំផុតគឺជា វិស្វកម្ម​ឧស្សាហកម្ម។

ក្នុងមួយថ្ងៃ Welin Kusuma ចំណាយពេលស្ទើរតែទាំងអស់ ដើម្បីធ្វើការរៀនសូត្រ ដោយកាលវិភាគដ៏ច្បាស់លាស់របស់គាត់មានពេលព្រឹក យប់ អនឡាញនិង ចុងសប្តាហ៍ផងដែរ ដោយពេលវេលារបស់កំពូលអ្នករៀនម្នាក់នេះ គ្មានទេ ពេលសម្រាប់លេងហ្គេមឬ លំហែកាយអ្វីឡើយ ដោយផ្តោតទៅលើការរៀនមួយមុខតែប៉ុណ្ណោះ។

មកទល់ពេលនេះ សញ្ញាប័ត្រនិង​​ វិញ្ញាបនបត្ររួមសរុប៣០សន្លឹកដោយ​មាន កម្រិតបរិញ្ញាបត្រ័១១សន្លឹក កម្រិតអនុបណ្ឌិតមាន៣សន្លឹកនិង​ វិញ្ញាបនបត្រវិជ្ជាជីវៈផ្សេងៗ១៨សន្លឹកទៀតផងដែរ។

ក្រោយពីបានឃើញដូច្នេះរួចមក មហាជនជាច្រើនបានសម្តែងការគោរពស្ញប់ស្ញែងដល់ Welin Kusuma ដែលតស៊ូរៀនបានជាច្រើនជំនាញបំផុតដោយមិនភាពធុញទ្រាន់អ្វីទាល់តែសោះ ប៉ុន្តែក្នុងនោះក៏មានមតិមួយចំនួនបាននិយាយបុរសម្នាក់នេះចំណាយពេលច្រើនមុខអញ្ចឹង តើគាត់ប្រុងនឹងធ្វើអ្វីឲ្យប្រាកដវិញ៕

សូមចូលមើលរូបភាពខាងក្រោម៖