កម្រឃើញណាស់! អណ្ដើកពណ៌លឿងមួយក្បាល ត្រូវបានគេប្រទះឃើញក្នុងប្រទេសឥណ្ឌា (មានវីដេអូ)

ឥណ្ឌា៖ កាលពីថ្ងៃអាទិត្យទី១៩ ខែកក្កដាសប្ដាហ៍មុននេះ អណ្ដើកពណ៌លឿងមួយក្បាល ត្រូវបានពលរដ្ឋមួយក្រុមប្រទះឃើញ នៅភូមិ Sujanpur ក្នុងទីក្រុង Balasore រដ្ឋ  Odisha ប្រទេសឥណ្ឌា។

អណ្ដើកមួយក្បាលនេះ ត្រូវបានគេចាត់ទុកថាកម្រនឹងបានឃើញ ដែលតួខ្លួនទាំងមូលរបស់វា គ្របដណ្ដប់ទៅដោយពណ៌លឿងសុទ្ធតែម្ដង។

បើយោងតាមអ្នកជំនាញ បានឲ្យដឹងថា ការដែលមានពណ៌លឿងបែបនេះ អាចជាការផ្លាស់ប្ដូរអាល់ប៊ីណូនៃសត្វអណ្ដើកធម្មតាប៉ុណ្ណោះ ដែលដូចមនុស្សយើងមានសភាពស្បែក.សភឿអីចឹងដែរ។

យ៉ាងណាមិញ ប្រជាពលរដ្ឋបានប្រគល់អណ្ដើកពណ៌លឿងមួយក្បាលនេះ ទៅឲ្យខាងមន្ត្រីមន្ទីរព្រៃឈើ ដើម្បីរក្សាទុកផងដែរ៕

សូមទស្សនារូបភាពនិងវីដេអូខាងក្រោម៖