ភ្នំពេញ៖ កំពូលតារាចម្រៀងលោក ខេមរៈ សិរីមន្ត ជាតារាចម្រៀងម្នាក់ដែលបានឈានជើងចូលសិល្បៈ ភ្លាមផ្ទុះការគាំទ្រខ្លាំងពីសំណាក់ទស្សនិកជនគ្រប់ទិសទី ដែលរាល់បទចម្រៀងនីមួយៗ តារាប្រុសរូបនេះបានច្រៀងសុទ្ធសឹងតែពីរោះគ្រប់បទតែម្ដង។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សយ៉ាងណាមិញ បន្ទាប់ពីចូលសិល្បៈអស់ជាច្រើនឆ្នាំកន្លងមកនេះ លោក ខេមរៈ សិរីមន្ត កាន់តែទទួលបានកេរ្ដិ៍ឈ្មោះល្បីល្បាញក្នុងសង្គមសិល្បៈកាន់តែខ្លាំងៗ ពីមួយឆ្នាំទៅមួយឆ្នាំ។ ម្យ៉ាងវិញទៀត ពេលនេះលោកកំពុងជ្រកកោនក្នុងផលិតកម្មហង្សមាសផងដែរ ដោយកាលពីម្សិលមិញនេះ បទចម្រៀងថ្មីរបស់តារាចម្រៀងរូបនេះ ត្រូវបានបញ្ចេញ ដែលមានចំណងជើងថា “វាលត្រែងវាលស្មៅ”។
ជាក់ស្ដែងបទថ្មី “វាលត្រែងវាលស្មៅ” នេះ ស្ដាប់ទៅពិតជាពីរោះខ្លាំងតែម្ដង ម្យ៉ាងវិញទៀត បទមួយនេះ និយាយពីរឿងរ៉ាវស្នេហាយ៉ាងកម្សត់ទៀតផង។ ក្នុងវីដេអូបទចម្រៀងនេះផងដែរ យើងសង្កេតឃើញថា តារាប្រុសរូបនេះ បានយកក្មួយស្រីមកសម្ដែងក្នុងបទចម្រៀងថ្មីនេះ ធ្វើឲ្យហ្វេនៗចាប់អារម្មណ៍លើនាងជាខ្លាំង ដោយមើលទៅក្មួយស្រីតារាប្រុសរូបនេះ ពិតជាមានទេពកោសល្យអាចសម្ដែងបានយ៉ាងល្អ ថែមទាំងមានរូបសម្រស់ស្រស់ស្អាតផូរផង់ មិនណយឡើយ៕
សូមទស្សនារូបភាព និងវីដេអូខាងក្រោម៖