អង់គ្លេស៖ ទូកអេកូបែបធម្មជាតិមួយដ៏វែង ដែលកំពុងបណ្ដែតខ្លួនលើផ្ទៃទឹកនៅតំបន់ Regent’s Canal ក្នុងទីក្រុងឡុងដ៍ ប្រទេសអង់គ្លេស ត្រូវបានម្ចាស់ប្រកាសដាក់លក់កាលពីថ្មីៗនេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សទូកអេកូនេះត្រូវបានសាងសង់ឡើងពីដែកថែប និងផ្នែកខាងក្នុងមានសោភណ្ឌភាពដូចជាផ្ទះពិតៗ ដោយមានបន្ទប់គេងចំនួនពីរ ផ្ទះបាយ កន្លែងទទួលភ្ញៀវ និងបន្ទប់ទឹកដែលបំពាក់ដោយទឹកក្ដៅ-ត្រជាក់យ៉ាងល្អប្រណិត។
លោក Owain Harris ជាម្ចាស់ទូកអេកូ បានឲ្យដឹងដែរថា ទូកអេកូរបស់គាត់ មិនត្រូវបានលាបពណ៌ឡើយ បើទោះជាមានសភាពចាស់ ឬច្រែះក៏ដោយ ព្រោះគិតថា ការលាបពណ៌នឹងអាចមានសារធាតុពុលចូលទៅក្នុងទឹក ដែលបង្កឲ្យសត្វផ្សេងៗមានគ្រោះថ្នាក់បាន។
យ៉ាងណាមិញ ទូកអេកូខាងលើនេះ កំពុងរង់ចាំម្ចាស់ថ្មី ដោយដាក់លក់ក្នុងតម្លៃរហូតដល់ទៅ១៥០,០០០ផោនឯណោះ (ប្រមាណ១៨៧,៨០០ដុល្លារអាមេរិក)៕
សូមទស្សនារូបភាពខាងក្រោម៖