ភ្នំពេញ៖ មហាជនប្រាកដជាបានស្គាល់ហើយ លោកតាព្រឹទ្ធាចារ្យ ព្រីង សាឃន ដែលលោកជាព្រឹទ្ធាចារ្យសិល្បៈមួយរូប ពោរពេញទៅដោយទេពកោសល្យ ដែលចេះទាំងរបាំ ល្ខោន ភាពយន្ត យីកេ ហើយលោកក៏នូវមានស្នាដៃជាច្រើនទៀត។ ប៉ុន្តែអ្វីដែលគួរឱ្យសោកស្តាយនោះ កាលពីម្សិលមិញនេះ លោកតា ព្រីង សាឃន បានទទួលមរណភាពហើយ នេះបើតាមការបង្ហោះជាព័ត៌មានលើគេហទំព័រហ្វេសបុក របស់តារាចម្រៀង ណុប បាយ៉ារិទ្ធ នៅយប់ថ្ងៃទី១៩ ខែកក្កដា ឆ្នាំ២០២០នេះ ដើម្បីជាការជូនដំណឹងដល់ប្រជាពលរដ្ឋទូទៅ ជាពិសេសអ្នកសិល្បៈរួមអាជីព។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សដោយក្នុងនោះ លោក ណុប បាយ៉ារិទ្ធ បានសរសេរលើគេហទំព័រហ្វេសបុកផ្ទាល់ខ្លួនថា៖ សូមចូលរួមរំលែកទុក្ខ ចំពោះការបាត់បង់មរតកមនុស្សរស់ លោកតាព្រឹទ្ធាចារ្យ ព្រីង សាឃន ជាព្រឹទ្ធាចារ្យសិល្បៈដែលពោពេញទៅដោយទេពកោសល្យ ភាពយន្ត របាំ ល្ខោន យីកេ និងស្នាដៃជាច្រើនទៀត ពិសេសបងប្អូនប្រជាពលរដ្ឋខ្មែរទូទាំងប្រទេសបានចាំពីទេពកោសល្យសម្តែងរបស់លោកតាយ៉ាងច្បាស់ តាមរយៈ តួរអង្គ «តាជូជក់» នៅក្នុងយីកេររឿងព្រះវេសន្តរកំឡុងឆ្នាំ៨០ជាង ។ ហើយក៏មានស្នាដៃជាច្រើនទៀតដែលលោកតាបានបន្សល់ទុក។
ក្នុងនោះដែរ លោកតាក៏បានសម្តែងភាពយន្តដែលខ្ញុំបាទធ្លាប់សម្តែងគឺរឿង «ភូមិគ្រឹះចម្លែក» និងនៅក្នុង MV បទចម្រៀងរបស់ខ្ញុំយើងជាអ្នកស្រែត្រូវជឿអ្នកស្រែដូចគ្នា» សូមបួងសួងដល់វិញ្ញាណក្ខន្ធរបស់លោកតា សូមបានទៅកាន់សុគតិភពកុំបីឃ្លៀងឃ្លាតឡើយ៕
សូមទស្សនារូបភាពខាងក្រោម៖
Bong I.T