រថយន្ត HONDA HR-V ស៊េរីថ្មីឆ្នាំ 2021 ទើបតែចេញសោះ អ្នកកក់ច្រើនម្ល៉េះ?

ភ្នំពេញ៖ រថយន្ត HONDA HR-V គឺជារថយន្តមួយម៉ូដែល ដែលស្ថិតនៅក្នុងត្រកូល HONDA ហើយរថយន្តនេះជារថយន្តប្រភេទ Subcompact SUVs កូនកាត់ស្ព័រ ដែលគេនិយមហៅថា Mini SUV រឺ ប្អូនបង្កើតរបស់ HONDA CR-V ។ រថយន្តនេះក៏ត្រូវបានពេញនិយមនៅក្នុងប្រទេសកម្ពុជាយ៉ាងខ្លាំងនៅ ២ឆ្នាំចុងក្រោយនេះផងដែរ។

យ៉ាងណាមិញ កាលពី៣សប្តាហ៏មុន ក្រុមហ៊ុន ភ្នំពេញ ហុងដា បានប្រកាសបើកការកក់ទុកសម្រាប់រថយន្ត HONDA HR-V 2021 ដែលជាជំនាន់ចុងក្រោយបង្អស់ ហើយត្រូវបានដឹងថាគឺមានអ្នកកក់ច្រើន​ ហួសពីការរំពឹងទុក។

បើតាមការអោយដឹងពី​ ក្រុមហ៊ុន ភ្នំពេញ ហុងដា ដែលជាក្រុមហ៊ុនធំតែមួយគត់ ដែលបានទទួលសិទ្ធិនាំចូលនិងចែកចាយផ្ទាល់ពីក្រុមហ៊ុន Honda Motors ​និងគ្រឿងបន្លាស់ម៉ាកហុងដាគ្រប់ប្រភេទ ប្រចាំប្រទេសកម្ពុជា បានប្រកាសបង្ហាញ HONDA HR-V 2021​ នេះជាផ្លូវការកាលពីថ្ងៃទី១០ ខែកក្កដា ឆ្នាំ២០២០​ នៅលើគេហទំព័រ Facebook: HONDA Cambodia ដែលជាគេហទំព័រសង្គមផ្ទាល់របស់ក្រុមហ៊ុន។

អ្វីដែលធ្វើអោយ HONDA HR-V 2021​ ទទួលបានការលេចធ្លោនោះ គឺការរចនាឡើងយ៉ាងប្រណិតទាក់ទាញទាំងផ្នែកខាងក្រៅ និងផ្នែកខាងក្នុង។

បើប្រៀបធៀបនឹងរថយន្តស៊េរីមុន ឃើញថារថយន្ត HONDA HR-V 2021 នេះបានបន្ថែម នូវសមត្ថភាពរបស់ខ្លួន ទាំងបច្ចេកវិទ្យាទំនើប និងប្រព័ន្ធសុវត្ថិភាពមួយចំនួនថ្មី ដើម្បីធានាក្នុងការបើកបរ ដោយមានបំពាក់បន្ថែមនូវ Foot Sensor សម្រាប់បើកបិទទ្វារគូទក្រោយស្វ័យប្រវត្តិ ដោយគ្រាន់តែយកជើងដាក់ពីក្រោម ,ប្រព័ន្ធសោរបញ្ជាកញ្ចក់ចំហៀងមើលក្រោយក្តោប និងលា មកវិញដោយស្វ័យប្រវត្តិ, ប្រព័ន្ធបញ្ជាតេឡេបិទកញ្ចក់ទាំងមុខទាំងក្រោយអូតូ និងមានប្រព័ន្ធផ្តល់សញ្ញាប្រកាសអាសន្នពេលមានចោរកម្ម។

HONDA HR-V 2021​​​  ត្រូវបានគេទទួលស្គាល់ថាជារថយន្ត ដែលពុំបាច់ប្រើប្រាស់សោរទៀតទេ ក្នុងការបញ្ជេះនៅពេលបើកបរ ហើយត្រូវបានបំពាក់ដោយបរិក្ខារទំនើប និងប្រព័ន្ធសុវត្ថិភាពជាច្រើនដូចជា: កៅអីរចនាដោយស្បែកព៌ណខ្មៅ, នៅលើដៃចង្កូតមានមុខងារបញ្ជាជាច្រើននៅលើនោះ​ដូចជា​ (Cruise Control សម្រាប់កំណត់ល្បឿនលើផ្លូវ ​Highway, Paddle Shift លេខដៃលើចង្កូត, Audio Control System, Voice Control (មុខងារបញ្ជានិងប្រើប្រាស់ដោយសំលេង​យើងផ្ទាល់)។

Touch Screen Audio (ទំហំ 7”អ៊ីង ដែលមានបំពាក់ Apple Car Play និង Android Car Play ), Map Light (បច្ចេកវិទ្យាបង្ហាញផែនទីដែលត្រូវធ្វើដំណើរ), Econ Mode (មុខងារសន្សំសំចៃសាំង), Engine Temperature (ពន្លឺព៌ណបង្ហាញពីកំរិតសន្សំសំចៃនៅលើអេក្រង់), Air Conditioning System (ម៉ាស៊ីនត្រជាក់អូតូ ), Electric Parking Brake (ហ្វ្រាំងដៃអេឡិចត្រូនិច), Auto Break Hold (​ប្រព័ន្ធឈប់ដោយស្វ័យប្រវត្តិពេលឈប់ស្តុប)​, Daytime Running Light (ចង្កៀង LED បំភ្លឺពេលថ្ងៃដើម្បីអោយគេមើលឃើញរថយន្តយើងបានច្បាស់), Front & Rear Sensor (សេនស័រជំនួយក្នុងការចូលចត និងបើកបរ​), Rear Camera (កាម៉េរាផ្នែកខាងក្រោយ), ប្រព័ន្ធបញ្ជាតេឡេបិទកញ្ចក់ទាំងមុខនិងក្រោយអូតូ,  ប្រព័ន្ធផ្តល់សញ្ញាប្រកាសអាសន្នពេលមានចោរកម្ម , ប្រព័ន្ធសុវត្ថិភាពជាច្រើន និងព្រមទាំងមានមុខងារដទៃច្រើនទៀត។

នៅក្នុងឳកាសនេះ​ ក្រុមហ៊ុនក៏មានប្រូម៉ូសិនពិសេសដែលពុំធ្លាប់ពីមុនមក សម្រាប់រថយន្ត HONDA CR-V 2020 តម្លៃត្រឹមតែ $49,788  និង HONDA CIVIC​ 2019 តម្លៃត្រឹមតែ $39,788 តែប៉ុណ្ណោះ។

សម្រាប់អ្នកដែលមានចំណាប់អារម្មណ៏អាចអញ្ជើញទៅទស្សនាផ្ទាល់ នៅក្រុមហ៊ុនភ្នំពេញហុងដា​ ដែលមានអាស័យដ្ឋានស្ថិតនៅលើផ្លូវសហព័ន្ធរុស្សី ទល់មុខនឹងព្រលានយន្តហោះភ្នំពេញអន្តរជាតិ និងលេខទូរស័ព្ទ 023 901 858​​ /​ 017​ 899​ 855​ /​ 016​ 772​ 585 រឺ តាមរយះ Facebook Page : HONDA Cambodia ។