មិនធម្មតា! ក្រោយពីបានក្លាយជាថៅកែវ័យក្មេង ប្រ៊េនតែគុជល្បី ស៊ីន យូប៊ីន ក៏ក្លាយទៅជាម្ចាស់ប្រ៊េន សាប៊ូកក់សក់ថ្មី មានគុណភាព SUPPLE​​ !

ភ្នំពេញ៖ តារាសម្តែងស្រី ​កញ្ញា ​ស៊ីន ​យូប៊ីន ​ដែលល្បីល្បាញថា ជាតារាសម្តែងស្រី ដែលទទួលបានស្រលាញ់គាំទ្រខ្លាំង ពីអ្នកគាំទ្រស្ទើរគ្រប់ស្រទាប់យុវវ័យ ត្រូវបានគេដឹងថា មួយរយៈនេះកញ្ញាមានភាពជោគជ័យផ្ទួនៗតែម្តង ទាំងការងារសិល្បៈ និងមុខជំនួញ ដោយបានប្រកាសបើកហាងថ្មីក្លាយជាថៅកែប្រ៊េនតែគុជលំដាប់ ​Premium ដែលទទួលបានការគាំទ្រជាខ្លាំង ទោះជាទើបតែបើកដំណើរការក្តី។

កាន់តែធ្វើឱ្យអ្នកគាំទ្រនឹកស្មានមិនដល់ទៀតនោះ កាលពីថ្ងៃទី ​៧ ​ខែកក្កដា ​ឆ្នាំ ​២០២០ នេះ នៅឯសណ្ឋាគារលំដាប់ផ្កាយ សូហ្វីតែល  ភូគីត្រា ១  កញ្ញា ​ស៊ីន ​យូប៊ីន ​បានធ្វើឱ្យបណ្តាអ្នកគាំទ្រ និងអ្នកសារព័ត៌មានមានការភ្ញាក់ផ្អើលជាថ្មី ក្រោយកញ្ញា បានធ្វើសន្និសីទសារព័ត៌មាន ប្រកាសជាផ្លូវការថា  កញ្ញា បានបើកមុខជំនួញថ្មីមួយទៀតហើយ ក្នុងនាមជាម្ចាស់ផលិតផល ដោយចាប់ដៃគូសហការ រវាងប្រ៊េន NACECA និង SHIN YUBIN សម្រេចបានជាផលិតផលសាប៊ូកក់សក់ថ្មី មានឈ្មោះថា SUPPLE  ។

នៅក្នុងកម្មវិធី សន្និសីទសារព័ត៌មាន នេះ កញ្ញា ​ស៊ីន ​យូប៊ីន បានឱ្យដឹងថា កញ្ញាសង្ឃឹម និងជឿជាក់ថា​ប្រ៊េនសាប៊ូកក់សក់នេះ នឹងទទួលបានការគាំទ្រ ​ព្រោះតែ SUPPLE SHAMPOO គឺជាផលិតផលរបស់ប្រទេសកូរ៉េ មានគុណភាពខ្ពស់ រូបមន្តមកពីអឺរ៉ុប​ដែលផ្សំចេញពី Collagen -Keratin -avocado និងប្រេងមានប្រយោជន៍ជាច្រើន ដែលល្អខ្លាំងសំរាប់សរសៃសក់ និងស្បែកក្បាល ដែលជួយឱ្យសក់ស្អាតដូចសរសៃសូត្រ ភ្លឺ រលោង មានទំងន់ និងជាអ្នកឯកទេសខាងសរសៃសក់ពិភពលោក ជួយដោះស្រាយរាល់បញ្ហាស្បែកក្បាលជាច្រើនដូចជា បញ្ហាជ្រុះសក់ សក់ឆេះ បែកចុង ព្រមទាំងជួយបណ្តុះសក់ និងការពារសក់សំពោងទៀតផង ។

ការដែលនាំចូលផលិតផលនេះផងដែរ គឺកញ្ញា ស៊ីន ​យូប៊ីន បានសិក្សា និងពិសោធន៍យ៉ាងល្អិតល្អន់ថា ​នេះជាផលិតផលល្អ និងមានគុណភាពពិសេសសម្រាប់តំរូវការបញ្ហាសរសៃសក់របស់ ទីផ្សាប្រជាជនកម្ពុជាតែម្តង ហើយកញ្ញា មានសេចក្តីជឿទុកចិត្តលើផលិតផលប្រ៊េនមួយនេះ ដោយសារតែកញ្ញា ​ធ្លាប់ជាអតិថិជន និងអ្នកគាំទ្រផលិតផលរបស់ប្រ៊េនមួយនេះផ្ទាល់ ពិសេសប្រ៊េនមួយនេះ ក៏ទទួលបានកេរ្តិ៍ឈ្មោះល្បី និងលក់ដាច់ខ្លាំងកន្លងមកផងដែរ ដោយថែមទាំងមានតំណាងចែកចាយតូចធំទូទាំងប្រទេស សុទ្ធតែជាអ្នកជោគជ័យខ្លាំងដូចគ្នាទៅលើប្រ៊េនមួយនេះ។

គួរឱ្យដឹងផងដែរថា កម្មវិធីសន្និសីទសារព័ត៌មាននេះផងដែរ ក៏បានបញ្ចប់ដោយការធ្វើពិធីចុះហត្ថលេខា លើអនុស្សរណៈនៃការយោគយល់គ្នា (MOU) គ្នាទៅវិញទៅមក ក្នុងការនាំយកផលិតផល SUPPLE នេះ រវាង ក្រុមហ៊ុន NKY Trading Co.Ltd ដែលមាន អ្នកស្រី ទេព សក្តិលីនដា ជាអគ្គនាយិកាក្រុមហ៊ុន និងកញ្ញា ស៊ីន យូប៊ីន ដែលជាម្ចាស់ប្រ៊េនផ្ទាល់ ប្រកបដោយបរិយាកាសរីករាយ និងទទួលបានការអបអរជាខ្លាំងពីសំណាក់បណ្តាសារព័ត៌មាននានា និងអ្នកដែលចូលរួមយ៉ាងកុះករផងដែរ៕