ជ័យ សុវ៉ាត ប្រារព្ធពិធីខួបកំណើតយ៉ាងអធិកអធម អ្នកចូលរួមភាគច្រើនជាតារាចម្រៀងរួមទ្រនំ

ភ្នំពេញ៖ តារាចម្រៀងដែលប្រសូត្រចេញពីកម្មវិធីប្រឡងចម្រៀងរបស់ស្ថានីយទូរទស្សន៍អប្សរា “ផ្កាយរះក្នុងសួន” នាសព្វថ្ងៃនេះជាតារាចម្រៀងពេញសិទ្ធក្នុងផលិតកម្មសាន់ដេ ដែលទទួលបានការគាំទ្រទៅលើបទចម្រៀងបែបសម័យថ្មី។

លោក ជ័យ សុវ៉ាត ទើបនឹងបានប្រារព្ធនូវពិធីខួបកំណើតយ៉ាងអធិកអធមដែលមានការចូលរួមពីមិត្តភក្តិសិល្បៈជាច្រើន ជាពិសេសគឺតារាចម្រៀងរួមទ្រនំដូចជា លោក ចឺម លោក ខាន់ ស៊ីអឿន កញ្ញា វីរៈ និច លោក អនុស្សាវរីយ៍ និងតារាៗជាច្រើនទៀតផងដែរ។

គួររំឮកថា លោក ជ័យ សុវ៉ាត ទើបនឹងបោះជំហានចូលក្នុងផលិតកម្មសាន់ដេ នាប៉ុន្មានឆ្នាំចុងក្រោយនេះតែប៉ុណ្ណោះ ប៉ុន្តែការគាំទ្រ និងការទទួលស្គាល់ពីមហាជនឃើញថា មានសន្ទុះគួរសមដែលអាចត្រដំត្រសងជាមួយនឹងរៀមច្បងក្នុងផលិតកម្មបានដែរ៕

សូមទស្សនារូបភាពខាងក្រោមនេះ៖