តាមរយៈគណនីយ facebook មួយដែលមានឈ្មោះថា VixW បានបង្ហោះនូវវីដេអូមួយដែលមានរយៈពេលជាងពីរ នាទី របស់តារាហូលីវូដដ៏ល្បីល្បាញ Kim Kardashian West។ តារារូបនេះ បានត្អូញត្អែរពីបញ្ហាដែលខ្លួនបានជួបប្រទះ នៅក្នុងកំឡុងពេលដែលពិភពលោកវាយលុកដោយវីរុស Covid-19 នេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សនាងបាននិយាយថា ខ្លួននៅពេលនេះកំពុងតែរត់ពួនពីកូនទាំង៤របស់ខ្លួន ដែលកាលពីមុនពួកគេតែងតែមានអ្នកមើលថែរៀងខ្លួនៗ។ ការដែលមានគ្រួសារធំមួយគឺជាក្តីសុបិនដែលនាងតែងតែចង់បាន ប៉ុន្តែនៅពេលនេះក្តីសុបិន្តនោះ បានប្រែក្លាយទៅជាសុបិនអាក្រក់ទៅហើយ នៅសម័យកាល Covid-19 នេះ។ នៅពេលនេះនាងបានយល់ពីភាពលំបាករបស់ស្ត្រីមេផ្ទះ និងគ្រូបង្រៀនបានជួបប្រទះរាល់ថ្ងៃហើយ ព្រោះវាពិតជាហត់ខ្លាំងណាស់ក្នុងការមើលថែក្មេងទាំង ៤នាក់នេះ នាងមិនអាចឳ្យមេផ្ទះមើលថែ ពួកគេបានដូចមុននោះទេ ព្រោះដោយសារតែបញ្ហាវីរុសនេះ។
នាងបានសារភាពថា ខ្លួនពិតជាគ្មានពេលផ្ទាល់ខ្លួននោះទេ រហូតដល់ថ្នាក់ត្រូវរត់ពួនពីកូនរបស់ខ្លួនទៀតផង។ ក្មេងៗ ដែលត្រូវសម្ងំនៅផ្ទះ ងាយធុញទ្រាន់ និងមិនអាចនៅស្ងៀមនោះទេ ទើបក្នុងនាមជាម្ដាយនាងត្រូវលេងជាមួយពួកគេ មើលថែពួកគេ ទាំងដែលខ្លួនក៏ត្រូការពេលសម្រាកផងដែរ។
ជឿថាមិនមែនមានតែនាងនោះទេដែលកំពុងជួបការលំបាកបែបនេះ ឳពុកម្ដាយគ្រប់គ្នាក៏កំពុងព្យាយាមយ៉ាងខ្លាំងដើម្បីមើលថែកូនរបស់ពួកគាត់ ទោះជាហត់នឿយយ៉ាងណាក៏ វាមិនអាចបំផ្លាញក្តីស្រឡាញ់ ដែលឳពុកម្ដាយមានចំពោះកូនបាននោះទេ។
សូមទស្សនាវីដេអូខាងក្រោម៖