បរទេស៖ ពពួកសត្វ caecilians (ប្រភេទគ្មានជើងគ្មានដៃ) គឺជាប្រភេទសត្វដែលអាចរស់បានទាំងនៅលើគោកនិងក្នុងទឹក ដូចជាសត្វកង្កែបដែរ ប៉ុន្តែវាតែងតែត្រូវបានគេយល់ច្រឡំថា ជាសត្វពស់ ដោយសារតែមានដងខ្លួនវែងនិងគ្មានដៃជើង។ ការវិភាគថ្មីតាមមីក្រូទស្សន៍និងធាតុគីមីបានបង្ហាញថា ដូចជាសត្វពស់ដែរ ប្រភេទ caecilians ដូចជាសត្វ Siphonops annulatus មានក្រពេញនៅក្បែរធ្មេញដែលលាក់ជាតិពិស។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សរបកគំហើញនេះបានលើកឡើងពីលទ្ធភាព ដែលថា caecilians អាចជាប្រភេទសត្វដែលអាចរស់នៅទាំងនៅលើគោកនិងក្នុងទឹកដំបូងគេ ដែលត្រូវបានគេរកឃើញថា មានសមត្ថភាពក្នុងការបញ្ចេញជាតិពិសនៅពេលខាំ។ ពិសមិនត្រូវបានគេរកឃើញទាំងស្រុង ពីក្រុមសត្វដែលអាចរស់នៅទាំងនៅលើគោកនិងក្នុងទឹក។ សត្វខ្លះបានប្រើប្រាស់ឆ្អឹងលយចេញមកខាងក្រៅ ដើម្បីបង្កើតស្នាមរបួស នៅពេលវាយប្រហារ ហើយពួកវានឹងបញ្ជូនជាតិពិសទៅជាមួយ។
ក្រុមអ្នកស្រាវជ្រាវបានកត់សម្គាល់ថា ពួកក្រុមសត្វដែលអាចរស់នៅបានទាំងលើគោកនិងក្នុងទឹកនេះគឺអាចមិនបាញ់ពិសបានទេ ប៉ុន្តែជំនួសមកវិញដោយការវាយប្រហារ នៅពេលប៉ះចំវា។
លោក Pedro Mailho-Fontana ដែលជាជីវវិទូផ្នែកការវិវដ្ត បានសិក្សាប្រភេទក្រុម caecilians អស់រយៈពេលជាច្រើនឆ្នាំ ហើយជាពិសេសក្រពេញនៅលើស្បែករបស់ពួកវា។ កាលពីឆ្នាំ២០១៨ គាត់បានសិក្សាសត្វ Siphonops annulatus ងាប់ ហើយគាត់បានពិនិត្យឃើញក្រពេញយ៉ាងធំនៅថ្គាមខាងលើនិងក្រោម ដែលមានបំពង់បង្ហូរទឹកនៅក្បែរធ្មេញ៕