ភ្នំពេញ៖ កម្មវិធីប្រឡងចម្រៀងលំដាប់ថ្នាក់ពិភពលោក I Am a Singer Cambodia រដូវកាលទី២ នាថ្ងៃនេះចាប់ផ្តើមបើកបង្ហាញតារាចម្រៀងដែលត្រូវចូលរួមប្រឡងប្រកួតប្រជែងដណ្តើមពានរង្វាន់ហើយ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សពិតជាភ្ញាក់ផ្អើលយ៉ាងខ្លាំងក្រោយបានដឹងពីសមាសភាពតារាចម្រៀងទាំង ០៧រូប ដែលនឹងចូលខ្លួនមកដណ្តើមពានរង្វាន់ជ័យលាភី និងប្រាក់ដ៏ច្រើនសន្ធឹកសន្ធាប់។
តោះ! ចង់ដឹងថាមានតារាចម្រៀងណាខ្លះ ទស្សនាទាំងអស់គ្នា៖
១. លោក វង្ស ដារ៉ារតនា អតីតបេក្ខភាពប្រឡងក្នុងកម្មវិធី The Voice Cambodia រដូវកាលទី១ បច្ចុប្បន្នជាតារាចម្រៀងក្នុងផលិតកម្ម We Production។
២. កញ្ញា ឈីន រតនៈ អតីតបេក្ខភាពប្រឡងក្នុងកម្មវិធី The Voice Cambodia រដូវកាលទី២ បច្ចុប្បន្នជាតារាចម្រៀងក្នុងផលិតកម្មរស្មីហង្សមាស។
៣. លោក BMO ធ្លាប់ជាដៃគូចម្រៀងដ៏ខ្លាំងជាមួយកញ្ញា យូរី ដែលបទចម្រៀងដ៏ល្បីរបស់លោករួមមានបទ “ចាក់ទឹកដូង” និងបទ “រាំទយ” ជាដើម។
៤. កញ្ញា ប៉ាច គីមមួយ អតីតបេក្ខភាពប្រឡងក្នុងកម្មវិធី The Voice Cambodia រដូវកាលទី១ បច្ចុប្បន្នជាតារាចម្រៀងក្នុងផលិតកម្ម We Production។
៥. លោក ឃុន វុត្ថា អតីតបេក្ខភាពប្រឡងក្នុងកម្មវិធី The Voice Cambodia រដូវកាលទី១ បច្ចុប្បន្នជាតារាចម្រៀងក្នុងផលិតកម្ម We Production។
៦. កញ្ញា តាក់ម៉ា អតីតតារាចម្រៀងក្នុងផលិតកម្ម M និងផលិតកម្ម Sunday បច្ចុប្បន្នជាតារាចម្រៀងឯករាជ្យ និងជាអ្នកដឹកនាំសម្តែងរឿងថែមទៀតផង។
៧. កញ្ញា វី ឌីណែត ធ្លាប់ជាអតីតតារាចម្រៀងដែលចូលរួមប្រឡងជាច្រើនកម្មវិធីរួមមាន I Am a Singer Cambodia រដូវកាលទី១,The Mask Singer Cambodia រដូវកាលទី១ រហូតប្តេជ្ញាចិត្តចូលប្រឡងជាថ្មីក្នុងកម្មវិធី I Am a Singer Cambodia រដូវកាលទី២ នេះ ខណៈដែលបច្ចុប្បន្នជាតារាចម្រៀងក្នុងផលិតកម្មរស្មីហង្សមាសស្រាប់ទៅហើយ៕