ទោះ Paul Walker ស្លាប់ហើយ ប៉ុន្តែកូនស្រីលោក និង Vin Diesel មើលទៅដូចគ្រួសារតែមួយ

បរទេស៖ កាលពីពេលថ្មីៗនេះ Meadow Walker ដែលជាកូនស្រីរបស់កំពូលតារាសម្តែង Paul Walker បានបង្ហោះរូបថតជុំគ្នាជាមួយនិង កូនៗ Vin Diesel អមជាមួយពាក្យមួយឃ្លាបង្ហោះសារថា «គួ្រសារជារៀងរហូត»។

ដោយឡែកកូនស្រី Paul Walker ម្នាក់នេះ បានបង្ហោះរូបនេះ ដោយនៅក្នុងចំណោមកូនតូចៗ របស់តារាសម្តែង Vin Diesel ទាំង៣នាក់ នៅក្នុងបណ្តាញសង្គម ដែលបង្ហាញពីភាពស្និទស្នាលប្រៀបបីបានដូចជា គ្រួសារតែមួយអញ្ចឹង បន្ទាប់ពីឪពុកនាងបានបាត់បង់ជីវិតទៅ ដោយកន្លងមក Meadow Walker ធ្លាប់បាននិយាយថានាង ទុកលោក Vin Diesel ដូចជាឪពុករបស់នាង ផងដែរ។

ក្រោយពីបានឃើញដូច្នេះមក ហ្វេនជាច្រើនបានសម្តែងការរីករាយត្រេកអរ ដោយតាមរយៈការបញ្ចេញមតិ នៅពេលដែល គ្រួសារពួកគេទាំងពីរនេះស្រលាញ់គ្នា ដូចជាបងប្អូនបង្កើតដូច្នេះផងដែរ។

គួររម្លឹកដែរថា Vin Diesel ធ្លាប់បាននិយាយថា Paul Walker គឺជាបងប្អូនធម៍របស់គេ ទាំងក្នុងភាពយន្ត និងនៅក្រៅខ្សែរភាពយន្ត ដោយរូបគេនឹងស្រលាញ់កូនស្រីរបស់ Paul Walker ដូចជាកូនស្រីរបស់ខ្លួនផងដែរ៕

សូមចូលមើលរូបភាពខាងក្រោម៖