ថៃ៖ ថ្វីត្បិតតែតារាសម្ដែងស្រីឈ្មោះល្បី Mai Davikah គឺជាតារាស្រីឯករាជ្យ មិនចំណុះឲ្យស្ថានីយ៍ទូរទស្សន៍ក៏មែនពិត ប៉ុន្តែគេហាក់ឃើញនាងលេខមុខច្រើនក្នុងខ្សែភាពយន្តភាគរបស់ស្ថានីយ៍ទូរទស្សន៍ One31 ហើយរឿងរបស់នាងភាគច្រើនសុទ្ធសឹងទទួលបានការគាំទ្រយ៉ាងច្រើនលើស លប់។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សឥឡូវនេះ Mai Davikah បានលេចមុខក្នុងរឿងភាគថ្មីមួយទៀតហើយ គឺរឿង Wan Thong 2020 ជាប្រភេទរឿងបែបបុរាណ ប៉ុន្តែអ្វីដែលសំខាន់ គឺនាងបានចាប់ដៃគូជាមួយតារាប្រុសជើងចាស់ Pong Nawat ដ៏ល្បីឈ្មោះថែមទៀតផង។ លើសពីនេះទៅទៀត រឿង Wan Thong 2020 នេះ ត្រូវបានដឹកនាំសម្ដែងដោយអ្នកដឹកនាំរឿងដ៏ប៉ិនប្រសប់ម្នាក់ ដែលធ្លាប់មានស្នាដៃផលិតរឿងភាគល្បីៗជាច្រើនដូចជា រឿង Pisawat រឿង Klin Kasalong ជាដើម។ ដូច្នេះ អ្នកគាំទ្រសង្ឃឹមថា រឿងនេះអាចនឹងមានភាគរយច្រើនក្នុងការទទួលបានការគាំទ្រច្រើនពីសំណាក់ទស្សនិកជន។
បើនិយាយពីសម្លៀកបំពាក់ និងការតុបតែងខ្លួនបែបបុរាណវិញ គឺរឹតតែមានលក្ខណៈពិសេសថែមទៀត ជាហេតុធ្វើឲ្យអ្នកគាំទ្រកាន់តែចង់ទស្សនារឿងនេះឲ្យបានឆាប់ៗ៕
សូមទស្សនារូបភាពខាងក្រោម៖