ថៃ៖ ខ្សែភាពយន្តភាគថៃរឿង Ruk Lek Phob ដែលកំពុងចាក់បញ្ចាំងលើកញ្ចក់ទូរទស្សន៍ថៃ One31 គឺជារឿងបែបស្នេហាឆ្លងភព ដែលមានការចូលរួមសម្ដែងពីសំណាក់តារាសម្ដែងប្រុស Film Nataphat និងតារាសម្ដែងស្រីដល់ទៅ២រូប គឺ Vill Wannarot និង Bifern Anchasa។ ប៉ុន្តែអ្វីដែលសំខាន់ បន្ទាប់ពីរឿងនេះត្រូវបានចាក់បញ្ចាំងអស់ចំនួន៩ភាគទៅហើយ គេកត់សម្គាល់ឃើញ ថា តារាស្រី Bifern Anchasa ហាក់បីដូចជាមានឈុតឆាកតិចមែនទែន ខុសប្លែកពី Vill Wannarot ដែលបានលេចមុខក្នុងឈុតឆាកជាច្រើន។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សមូលហេតុចម្បងដែលធ្វើឲ្យតារាស្រីរូបនេះមានឈុតឆាកសម្ដែងតិច គឺដោយសារតែសាច់រឿងនៅពេលនេះ ផ្ដោតសំខាន់លើរឿងរ៉ាវអតីតកាល ដែលតួឯកប្រុសបានឆ្លងភពទៅច្រើនជាង ទើបធ្វើឲ្យ Bifern ដែលជាតួឯកស្រីនៅសម័យបច្ចុប្បន្នមានឈុតឆាកតិចមែនទែន រហូតដល់ថ្នាក់ភាគខ្លះ នាងមិនបានចេញមុខទៀតផង។
ជុំវិញបញ្ហាមួយនេះ អ្នកគាំទ្ររបស់នាងភាគច្រើនបានសម្ដែងអារម្មណ៍អន្ទះសារជាខ្លាំង ដោយពួកគេចង់ឃើញនាងមានឈុតឆាកសំខាន់ៗច្រើនជាងបច្ចុប្បន្ន។ មិនត្រឹមតែប៉ុណ្ណោះ ពួកគេថែមបានឆ្លៀតសរសើរថា ថ្វីត្បិតតែចេញមកតិចមែន ប៉ុន្តែរាល់ពេលដែលឈុតឆាករបស់ Bifern លេចមុខចេញមក គឺពិតជាមិនធម្មតាតែម្ដង ជាពិសេសគឺការតុបតែងខ្លួន មិនឲ្យចាញ់នរណាឡើយ៕
សូមទស្សនារូបភាពខាងក្រោម៖