ការសម្ពោធកុំព្យូទ័រយួរដៃសេរ៊ីថ្មីឆ្នាំ២០២០ តាមបែបOnlineរបស់ក្រុមហ៊ុន ASUS

ភ្នំពេញ៖ ASUS ដែលជាក្រុមហ៊ុនឈានមុខគេផ្នែកបច្ចេកវិទ្យា បានប្រារព្ធពិធីសម្ពោធឡេបថប់ស៊េរីថ្មីសម្រាប់ឆ្នាំ២០២០ ជាលក្ខណៈ online ដើម្បីជៀសវាងពីការជួបជុំ និងការពារពីការឆ្លងជំងឺកូវីដ១៩ ហើយកម្មវិធីនេះផងដែរ បានធ្វើការផ្សាយផ្ទាល់នៅគេហទំព័រផ្លូវការរបស់ ASUS Republic of Gamers (KH) ចាប់ពីម៉ោង៧ល្ងាច រហូតដល់ម៉ោង៨:៣០រាត្រី។

ក្នុងមហាព្រឹត្តិការណ៍នេះ យើងឃើញមានវត្តមានអ្នកចូលរួមពីសំណាក់តារាល្បីៗ ឯកអគ្គរាជទូតសុឆន្ទៈរបស់ក្រុមហ៊ុន ASUS ក៏ដូចជា YouTuber និង Streamer ជាច្រើនទៀត ដែលពួកគាត់សុទ្ធសឹងតែជាអ្នកប្រើប្រាស់កុំព្យូទ័រកម្រិតធ្ងន់សម្រាប់ការងារប្រចាំថ្ងៃ។ ​

នៅពេលដែលយើងឈានជើងចូលដំបូង យើងបានឃើញមានការដាក់តាំងឡេបថប់ ASUS ជាច្រើនរួមមានម៉ូឌែល ROG Zephyrus G14, ROG Zephyrus Duo, ROG Strix G15/17, ROG Strix Scar 15/17 និង TUF Gaming A15/17 ដែលជាកំពូលឡេបថប់ហ្គេមមីងប្រចាំឆ្នាំ២០២០។ អ្វីដែលសំខាន់នោះគឺ រូបរាងរបស់កុំព្យូទ័រកំពូលទាំងនេះ សុទ្ធតែមានការផ្លាស់ប្តូរលើការរចនាទាំងស្រុងបើធៀបជាមួយឆ្នាំមុនៗ និងនៅតែមានការធានារយៈពេល២ឆ្នាំដដែល។

លោក Lawrence Liu ដែលជាប្រធានគ្រប់គ្រងប្រចាំប្រទេសកម្ពុជា បានធ្វើបទបង្ហាញអំពីលក្ខណៈពិសេសៗរបស់ម៉ូឌែលនីមួយៗ និងបានប្រកាសតម្លៃជាផ្លូវការដូចខាងក្រោម៖

- TUF Gaming A15/17

នេះជាឡេបថប់ហ្គេមមីងម៉ូឌែលចុងក្រោយរបស់្រកូល TUF ​បំពាក់ដោយ CPU របស់ AMD Ryzen 7 សេរ៊ី4000 ចុងក្រោយបំផុត និងរួមបញ្ចូលគ្នាជាមួយនឹងក្រាហ្វីកកាត GeForce Nvidia ដែលអាចឲ្យការលេងហ្គេមកាន់តែរលូន លឿន និងអេក្រង់កម្រិត IPS ដែលមានល្បឿនលឿនរហូតដល់ 144Hz ។ ឡេបថប់នេះក៏មានថាមពលថ្មធំរហូតដល់ទៅ ៩០ វ៉ាត់ម៉ោង បានបំពាក់បច្ចេកវិទ្យាប្រព័ន្ធខ្យល់ត្រជាក់ ដែលអាចរក្សាកម្ដៅឡេបថប់ឲ្យថេរ។ ព្រមទាំងមានបច្ចេកវិទ្យា Anti-Dust មិនឲ្យជាប់ធូលី និងបញ្ចេញធូលីមកក្រៅវិញតាមរយៈបំពង់ខ្យល់។​ ឡេបថប់នេះគឺមានតម្លៃគ្មានគូរប្រៀប គឺចាប់ពី $899 ដុល្លារសហរដ្ឋអាមេរិកឡើងទៅ។

- ROG Zephyrus G14

នេះជាឡេបថប់១៤អ៊ីញ ដែលមានរាងស្តើង ស្រាល និងមានសមត្ថភាពខ្លាំងជាងគេបំផុតជុំវិញពិភពលោក។ ពេលនេះវាបានមកដល់ទីផ្សារប្រទេសកម្ពុជាហើយ។ អ្វីដែលពិសេសនោះគឺវាមាន LED នៅផ្នែកសំបកខាងក្រោយ ដែលអាចឲ្យអ្នករចនាអក្សរ រូបភាព ឬ រូបភាពជា GIF បាន។ ROG Zephryrus G14 បំពាក់ដោយ CPU របស់ AMD Ryzen 9-4800 HS ចុងក្រោយបំផុត និងរួមបញ្ចូលគ្នាជាមួយនឹងក្រាហ្វីកកាត GeForce RTX ™ 2060 ដែលមានល្បឿនលឿនងាយស្រួលក្នុងការបំពេញការងារ និងការលេងហ្គេម។ ឡេបថប់នេះមានតម្លៃចាប់ពី $1299 ដុល្លារសហរដ្ឋអាមេរិកឡើងទៅ។

-       ROG Strix Scar15/17

ជាឡេបថប់កំពូលដែលបំពាក់ CPU​ របស់ Intel Core i7 ចុងក្រោយគេបង្អស់ជាមួយនឹងក្រាហ្វីកកាត​ GeForce RTX ដែលមានល្បឿនលឿនរហូតដល់ 300Hz/3ms អាចលេងហ្គេមបានយ៉ាងរលូន និង​មិនធ្វើឲ្យរូបភាពទាក់នោះទេ។ វាមាន៣ពណ៌ដូចជា ខ្មៅ ខៀវ និងពណ៌ថ្មីទើបតែបង្កើតនោះគឺ ពណ៌ផ្កាឈូក។ រីឯតម្លៃវិញគឺចាប់ពី $1799 ដុល្លាសហរដ្ឋអាមេរិកឡើងទៅ។

- ROG Strix G15/17

ROG Strix G15 / 17 បង្កប់នូវការរចនាដែលផ្តល់ជូននូវបទពិសោធន៍ដ៏អស្ចារ្យ សម្រាប់ការលេងហ្គេមធំៗ និងការធ្វើកិច្ចការច្រើនលើប្រព័ន្ធប្រតិបត្តិការ Windows 10។ ឡេបថប់នេះបំពាក់ដោយ Intel Core i7 ជំនាន់ទី១០ និងក្រាហ្វីករហូតដល់ GeForce RTX 2070 Super ដែលមានល្បឿនលឿនរហូតដល់ 240Hz/3ms។ ឡេបថប់នេះមានតម្លៃចាប់ពី $1149ឡើងទៅ។

បន្ទាប់ពីមានការថ្លែងសុន្ទរកថាចប់ ក្រុមហ៊ុន ASUS បានធ្វើការចាប់រង្វាន់ធំគឺ ឡេបថប់ TUF Gaming A15 និងរង្វាន់ផ្សេងៗជាច្រើនទៀត។ ដើម្បីធ្វើឲ្យកម្មវិធីកាន់តែមានភាពសប្បាយរីករាយ ក្រុមហ៊ុន ASUS ក៏បានរៀបចំការសម្ដែងពីឌីជេល្បីមួយរូបគឺ ឌីជេ Maily និង តារាចម្រៀងលោក វុទ្ធា ផងដែរ៕