បរទេស៖ យោងតាមការផ្សាយរបស់ទីភ្នាក់ងារសារព័ត៌មាន រ៉យទ័រ បានឱ្យដឹងថា ជំងឺកូវីដ១៩ ដែលជាជំងឺកាចសាហាវបំផុតប្រចាំឆ្នាំ ២០២០ បានបន្តឆក់យកជីវិតមនុស្សនៅទូទាំងពិភពលោកអស់ ៥០៤,៣៦៦នាក់ ក្នុងចំណោមអ្នកឆ្លងជាង ១០លាននាក់។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សស្របពេលដែលអត្រាមរណដោយជំងឺកូវីដ១៩ ហាក់មានការថយចុះក្នុងរយៈពេលប៉ុន្មានសប្តាហ៍កន្លងមកនេះ ក្រុមអ្នកជំនាញផ្នែកសុខភាពបានបង្ហាញការព្រួយបារម្ភណ៍ថា ចំនួនករណីឆ្លងថ្មីនៅក្នុងប្រទេសមួយចំនួន ដូចជា សហរដ្ឋអាមេរិក ឥណ្ឌា ប្រេស៊ីល និងនៅផ្នែកខ្លះនៃទ្វីបអាស៊ី អាចនឹងបន្តកើនឡើងខ្លាំងជាថ្មីម្តងទៀត។
ប្រភពព័ត៌មានខាងលើបានឱ្យដឹងទៀតថា ចាប់ពីថ្ងៃទី ១ ដល់ថ្ងៃទី ២៧ ខែមិថុនា ជំងឺកូវីដ១៩ បានសម្លាប់មនុស្សប្រមាណ ៤,៧០០នាក់ រៀងរាល់ ២៤ម៉ោង ដែលនេះមានន័យថា ត្រឹមរយៈពេល ១៨វិនាទីម្តង មានមនុស្សម្នាក់ បានស្លាប់ដោយសារជំងឺកាចសាហាវនេះ។
គួរជម្រាបផងដែរថា បើយោងតាមតួលេខពីអង្គការសុខភាពពិភពលោក បានបង្ហាញយ៉ាងច្បាស់ថា នៅក្នុងរយៈពេល១ខែ ចំនួនអ្នកស្លាប់ដោយជំងឺកូវីដ១៩ ជាមធ្យមមានរហូតដល់ ៧៨,០០០នាក់ បើធៀបទៅនឹងអ្នកស្លាប់ជំងឺអេដស៍ គឺមាន ៦៤,០០០នាក់ ខណៈអ្នកស្លាប់ដោយសារជំងឺគ្រុនចាញ់ គឺមានចំនួនត្រឹមតែ ៣៦,០០០ នាក់ប៉ុណ្ណោះ៕