អាមេរិក៖ មុនពេលមេរោគឆ្លងថ្មីចាប់ផ្តើមរីករាលដាលពាសពេញពិភពលោកនោះ គឺក្មេងស្រីម្នាក់ឈ្មោះ សឺរ៉ាសាន់ កំពុងតែព្រួយបារម្ភអំពីអ្វីដែលនាងនឹងធ្វើបន្ទាប់ពីបញ្ចប់វិទ្យាល័យ។ ក្មេងស្រីអាយុ ១៧ ឆ្នាំមកពីរដ្ឋផ្លរីដាបានគ្រោងទៅធ្វើទស្សន:កិច្ចនៅមហាវិទ្យាល័យចំនួន ៧ នៅរដូវផ្ការីកនេះដើម្បីជួយនាងសម្រេចចិត្តថា តើត្រូវបន្តការសិក្សានៅឯណា។ នៅសហរដ្ឋអាមេរិកសិស្សវិទ្យាល័យច្រើនតែទៅទស្សន:កិច្ចរនៅតាមមហាវិទ្យាល័យផ្សេងៗមុនពេលពួកគេចុះឈ្មោះចូលរៀនជាផ្លូវការ។ ប៉ុន្តែមានរឿង រ៉ាវជាច្រើនដែលបានកើតក្នុងកំឡុងឆ្នាំចុងក្រោយនៃវិទ្យាល័យរបស់នាង គឺការរីករាលដាលនៃជំងឺកូវីដ ១៩ ធ្វើឱ្យបង្ខំចិត្តរៀនតាមប្រព័ន្ធអុីនធឺណែត។ 

សិស្សវិទ្យាល័យសិក្សានៃរដ្ឋផ្លរីដា

ចំណែកឯម្តាយរបស់សិស្សម្នាក់ ឈ្មោះ អេបូរយូរ៉ា បាននិយាយថា នាងមានការព្រួយបារម្មរណ៍ថា តើរោគរាតត្បាតនេះអាចជះឥទ្ធិពលដល់កូនស្រីរបស់នាងក្នុងរយៈពេលប៉ុន្មានខែដ៏ខ្លីខាងមុខនេះ។ នៅក្នុងកិច្ចខិតខំប្រឹងប្រែងដើម្បីរក្សាចំនួនចុះឈ្មោះចូលរៀនរបស់សិស្សឱ្យបានកើនឡើងមហាវិទ្យាល័យជាច្រើនបានរៀបចំកម្មវិធីសិក្សាថ្មីតាមអុីនធឺណែតដោយប្រើសេវាកម្មជាការបង្រៀនដោយប្រើវីដេអូ។

សាកលវិទ្យាល័យជាច្រើនបានសម្រេចចិត្តពន្យារពេលកាលបរិច្ឆេទនៃការបង់ប្រាក់។ សិស្សានុសិស្សអាមេរិកប្រហែល ៣,៧ លាននាក់ បានរំពឹងថានឹងបញ្ចប់ការសិក្សាពីវិទ្យាល័យនៅឆ្នាំនេះ។ ហើយមានជិត ៧០ ភាគរយរំពឹងថានឹងចាប់ផ្តើមមហាវិទ្យាល័យនៅចុងរដូវក្តៅផងដែរ៕

សិស្សវិទ្យាល័យសិក្សានៃរដ្ឋផ្លរីដា

ប្រភព: VOA Education

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

ចង់ក្លាយជាអ្នកសរសេរក្រៅម៉ោងមានប្រាក់ចំណូលសូមចុះឈ្មោះទីនេះ