រុស្ស៊ី៖ ថ្មីៗនេះ ប្រព័ន្ធផ្សព្វផ្សាយរុស្ស៊ីបានរាយការណ៍ពីករណីដ៏គួរឲ្យភ្ញាក់ផ្អើលមួយរបស់ស្ត្រីវ័យ ៤២ឆ្នាំម្នាក់ មានឈ្មោះថា Ndezhda Bushueva ដែលមិនបានចាកចេញពីផ្ទះរបស់នាង ស្ថិតក្នុងភូមិ Arefinsky ភាគខាងលិច ប្រទេសរុស្ស៊ីអស់រយៈពេល ២៦ឆ្នាំ ព្រោះតែម្ដាយមិនអនុញ្ញាត។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សយោងតាមអ្នកជិតខាងរបស់ស្ត្រីខាងលើបានឲ្យដឹងថា ម្ដាយរបស់នាងដែលមានឈ្មោះថា Tayana តែងតែរារាំងនាងមិនឲ្យនាងចេញក្រៅផ្ទះតាំងពីអាយុ១៦ឆ្នាំមកម្ល៉េះ។ កាលនោះ Ndezhda កំពុងរៀនថ្នាក់ទី៨ ជាពេលដែលម្ដាយរបស់នាងចាប់ផ្ដើមហាមមិនឲ្យចេញទៅខាងក្រៅជាមួយក្មេងៗជំទង់ដទៃទៀតក្នុងភូមិ ហើយពេលនោះនាងក៏មិនអាចទៅរៀនទៀតផងដែរ ព្រោះម្ដាយរបស់នាងចង់ការពារនាងពីគ្រោះថ្នាក់នៃពិភពលោកខាងក្រៅ។
យ៉ាងណាមិញ នៅដើមខែមិថុនានេះ ម្ដាយរបស់ Ndezhda បានធ្លាក់ខ្លួនឈឺហើយនាងបានបញ្ជូនគាត់ទៅពេទ្យ ដែលនេះគឺជាលើកដំបូងរបស់នាងផងដែរ សម្រាប់ការចេញក្រៅផ្ទះក្នុងរយៈពេល២៦ឆ្នាំ។ មនុស្សគ្រប់គ្នាមានការភ្ញាក់ផ្អើលនៅពេលបានឃើញសភាពរបស់នាងនាពេលបច្ចុប្បន្ន។
បន្ទាប់មកអ្នកភូមិបាននាំនាងទៅជួបប្រធានក្រុមប្រឹក្សាមូលដ្ឋានក្នុងតំបន់ ហើយពេលនោះ Ndezhda បានសារភាពរថា នាងមិនបានកក់សក់អស់រយៈពេល១២ឆ្នាំមកហើយ និងមិនបានផ្លាស់ប្ដូរសម្លៀកបំពាក់អស់ជាច្រើនឆ្នាំផងដែរ។ លើសពីនេះ នាងបានចែករំលែកគ្រែដេក ជាមួយម្ដាយ និងសត្វឆ្មាទៀតផង៕
សូមទស្សនាវីដេអូខាងក្រោម៖