អូស្ត្រាលី៖ យុវតីវ័យ១៩ឆ្នាំម្នាក់ រស់នៅប្រទេសអូស្ដ្រាលី បានធ្វើឲ្យសមាជិកគ្រួសារ និងមិត្ដជិតស្និទ្ធរបស់នាងស្រឡាំងកាំង រកអ្វីនិយាយស្ទើរមិនចេញ បន្ទាប់ពីបានឃើញទម្រង់មុខដែលនាងទើបកែសម្ផស្សរួចថ្មីៗ។

យុវតី Sofia Marroquin បានធ្វើការកែសម្ផស្ស ដោយចំណាយប្រាក់អស់ប្រមាណ៥០០ដុល្លារអាមេរិក ដើម្បីរំលាយខ្លាញ់ដែលមាននៅក្រោមថ្គាមរបស់នាង ដោយរំពឹងថាខ្លួននឹងទទួលបានទម្រង់មុខអក្សរ V ដ៏ស្រស់ស្អាតផងដែរ។ តែជាលទ្ធផលដែលនាងទទួលបានគឺខុសពីការរំពឹងទុក ដោយទម្រង់មុខរបស់នាងប្រែទៅជាជ្រុង ហើយវែងដូចរាងចតុកោណទៅវិញ។

Sofia បានចែករំលែកឃ្លីបវីដេអូមួយទៅលើបណ្ដាញសង្គម Tik Tok ដែលបង្ហាញពីមុខមាត់ថ្មីរបស់នាង ហើយក្រុមគ្រួសារ និងមិត្ដភិក្ដរបស់នាងមានការភ្ញាក់ផ្អើល រួមទាំងលាន់មាត់គ្រប់ៗគ្នា។ ជាពិសេស ឪពុកនាងតែម្ដង ចំណែកឯប្អូនស្រីរបស់នាង ពេលបានឃើញហើយក៏ផ្ទុះសំណើចដួលទៅលើឥដ្ឋ ខណៈដែលមិត្ដភក្ដិរបស់នាងបាននិយាយលេងសើចថា «ខ្ញុំខ្លាច»។

យ៉ាងណាមិញ បើតាមការបញ្ជាក់របស់សាមីខ្លួននៅលើឃ្លីបវីដេអូបានឲ្យដឹងថា ទម្រង់មុខរបស់នាងប្រែជារាងចតុកោណកែងបែបនេះ ត្រឹមតែរយៈពេល ៤៨ម៉ោងប៉ុណ្ណោះ(២ថ្ងៃ)។ លុះដល់ថ្ងៃទី មុខរបស់នាងស្រាប់តែមានភាពប្រសើរជាងមុន ហើយរហូតបានមួយសប្ដាហ៍ វាក៏ត្រលប់មករកសភាពធម្មតាវិញតែម្ដង៕

សូមទស្សនារូបភាព និងវីដេអូខាងក្រោម៖

ទម្រង់មុខរបស់ Sofia មុនពេលកែសម្ផស្ស
ទម្រង់មុខរបស់ Sofia ទើបកែសម្ផស្ស
ឪពុករបស់ Sofia 
ម្ដាយរបស់ Sofia 
ប្អូនស្រីរបស់ Sofia 
ទម្រង់មុខរបស់ Sofia ពេលធម្មតាវិញ
វីដេអូ

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក ប្លែកៗ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

ចង់ក្លាយជាអ្នកសរសេរក្រៅម៉ោងមានប្រាក់ចំណូលសូមចុះឈ្មោះទីនេះ