យល់ដឹង៖ មនុស្សស្រីភាគច្រើន តែងតែជ្រុលជ្រួសចិត្ត ទៅលង់ស្រលាញ់ប្រភេទមនុស្សប្រុស ដែលឳពុកម្តាយរបស់ខ្លួន មិនពេញចិត្ត និងបានហាមឃាត់ទៅវិញ។ ព្រោះជាធម្មជាតិរបស់មនុស្សស្រី តែងតែលង់ស្រលាញ់មនុស្សប្រុស ដោយសារតែរូបសម្បត្តិខាងក្រៅ ច្រើនជាងចំណុចផ្សេងៗទៀត ដែលនេះហើយជាបញ្ហា។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សក៏ព្រោះតែបែបនេះហើយ ទើបបានជាមានការសិក្សាស្រាវជ្រាវ មួយបានបញ្ជាក់ឲ្យយើង បានដឹងថាហេតុអ្វី រឿងនេះកើតឡើងបែបនេះ និងហេតុអ្វីមនុស្សស្រីល្អៗ សម្រេចចិត្តជ្រើសរើសទាក់ទង នឹងបុរសដែលងាយនឹង ធ្វើឲ្យពួកគេមានបញ្ហាទៅវិញ។
តោះខាងក្រោមនេះគឺជា មូលហេតុដែលអាចបញ្ជាក់ថា មូលហេតុអ្វីបានជា មនុស្សស្រីងាយនឹង លង់ស្រលាញ់បុរស ដែលមានចរឹកលក្ខណៈមិនល្អបែបនេះ។
បើចង់ដឹងច្បាស់ ក៏សូមទៅតាមដាន នៅចំណុចទាំង៧ ខាងក្រោមនេះទាំងអស់គ្នា៖
១. ទំនុកចិត្តលើខ្លួនឯង
ជាក់ស្តែង មនុស្សប្រុសប្រភេទនេះ នឹងមិនអាចទាក់ទាញចិត្ត របស់មនុស្សស្រីបានទេ ប្រសិនបើពួកគេគ្មាន ទំនុកចិត្តលើខ្លួនឯងទេនោះ។ ចំណុចនេះចង់និយាយថា កម្រិតភាពជឿជាក់ដែល ពួកគេមានលើខ្លួនឯង គឺពិតជាខ្ពស់ខ្លាំង។ ហេតុដូចនេះ ចរិតរបស់ពួកគេ ក៏បញ្ចេញមកតាមនោះដូចគ្នាដែរ។ ភាគច្រើនគេអាចកត់សម្គាល់ឃើញបាន តាមរយៈប្រភេទមិត្តភក្តិដែលគេសេពគប់ មធ្យោបាយធ្វើដំណើរ, ម្ហូបអាហារដែលពួកគេទម្លាប់ញុំា និងចំណុចផ្សេងៗ ជាច្រើនទៀតផងដែរ។
២. ក្នុងដំណាក់កាលនៃការពេញវ័យ
មនុស្សស្រីធ្លាក់ក្នុងអន្លង់ស្នេហ៍ មនុស្សប្រុសខូចក៏ព្រោះតែ ជាធម្មជាតិនិងចំណង់ចំណូលចិត្តរបស់នាង។ វិទ្យាសាស្ត្របានឲ្យដឹងថា នៅអំឡុងពេលដែលមនុស្សស្រី កំពុងពេញវ័យ អរម៉ូនមនុស្សស្រីបានជះឥទ្ធិពល ដល់ការគិតរបស់នាង ហើយវាយតម្លៃថា មនុស្សប្រុសប្រភេទបែបនេះ នឹងអាចក្លាយជាឪពុកដ៏អស្ចារ្យម្នាក់ សម្រាប់កូនៗរបស់នាង នៅថ្ងៃអនាគតបាន។ ហើយនៅក្នុងដំណាក់កាលនៃ ការលូតលាស់របស់ក្មេងស្រីនេះ នាងក៏ងាយនឹងត្រូវបានទាក់ទាញ ដោយមនុស្សប្រុស ដែលមានរូបរាងសង្ហា មានមន្តស្នេហ៍ និងពូកែលួងលោមផងដែរ។
៣. មានលក្ខណៈសម្បត្តិទាក់ទាញខ្លាំង
នាងមិនខ្វល់អំពី អ្វីទាំងអស់។ ព្រោះសម្រាប់ពួកគេ គឺគ្មានច្បាប់ក្នុងសៀវភៅ ឬការកំណត់ជាក់លាក់ណាមួយ ដែលអាចឲ្យពួកគេ កំណត់បាននោះទេ។ ដូច្នេះពួកគេធ្វើតាម ការចង់បានរបស់ពួកគេ ហើយពួកគេក៏អាចរួមរស់ នៅជាមួយគ្នាបានយូរអង្វែងដែរ។ ព្រោះមនុស្សប្រុសខូច ក៏ជាមនុស្សប្រុសដែល ពូកែលួងលោមនិង ធ្វើឲ្យនារី ដែលគេស្រលាញ់ មានអារម្មណ៍ល្អវិញផងដែរ។
៤. ស្មារតីផ្សេងព្រេង និងភាពរីករាយ
លក្ខណៈសម្បត្តិល្អរបស់ មនុស្សប្រុសខូចនោះគឺ គេចូលចិត្តការផ្សងព្រេង និង ភាពរំភើប។ ចំណែកមនុស្សស្រី ប្រសិនបើមនុស្សប្រុស មិនចេះចេញទៅខាងក្រៅ ផ្សងព្រេងខ្លះ នាងបែរជាគិតថា បុរសម្នាក់នោះគ្មានរស់និយម មិនសាកសមនឹងនាងទៅវិញ។
៥. អារម្មណ៍សុវត្ថិភាព
មនុស្សស្រីសម្រេចចិត្តជ្រើសរើស មនុស្សប្រុសខូច ជំនួសមនុស្សប្រុសល្អត្រឹមត្រូវ ព្រោះនាងត្រូវការអារម្មណ៍ ដែលមានសុវត្ថិភាព នៅរាល់ពេលដែលនៅក្បែរគ្នាម្តងៗ។
៦. ភាពទាក់ទាញ មានឥទ្ធិពលជាងភាពល្អ
យោងតាមការសិក្សាមួយ បានឲ្យដឹងថា គេបានឲ្យមនុស្សស្រី ធ្វើការជ្រើសរើសមនុស្សប្រុស ២ប្រភេទខុសគ្នា។ ជាលទ្ធផល ភាគច្រើននៃមនុស្សស្រី សម្រេចចិត្តជ្រើសយក មនុស្សប្រុសដែលមាន រូបសម្បត្តិទាក់ទាញ ស្របពេលដែលមនុស្សប្រុសល្អ មិនអាចសូម្បីឈានដល់វគ្គ ជ្រើសរើសចុងក្រោមផង។
៧. អារម្មណ៍សេរីភាព
បណ្ឌិតខាងផ្នែកចិត្តវិទូ មួយរូបដែលមាន ឈ្មោះថាRobyn
McKay បានពន្យល់ថា ក្មេងស្រី ដែលមានចរឹកស្ងប់ស្ងាត់
និងមិនសូវចេះបញ្ចេញអារម្មណ៍ ពួកគេងាយនឹងត្រូវទាក់ទាញបាន ដោយមនុស្សប្រុសខូច
ដែលអាចជួយឲ្យនាងរីករាយ អាចបញ្ចេញអារម្មណ៍បាន និងយល់ថាមានសេរីភាព ពេលដែលនៅជាមួយគ្នា។
ជាធម្មតាមនុស្សស្រី ដែលមានចិត្តគំនិតក្មេង គឺងាយលង់ចិត្តស្រលាញ់ មនុស្សប្រុសដែលពូកែលួងលោមបំផុត៕
ចុះអ្នកវិញ ស្រលាញ់មនុស្សប្រុសបែបណា?
Bong I.T