ចាំអាយដលអត់? អាចែ បង្ហាញមុខមាត់ជាថ្មី ក្រោយម្ដាយ ទទួល​មរណភាព

ហុងកុង៖ ថ្មីៗនេះ តារាសម្តែងចិនហុងកុង អាចែ ដែលមានឈ្មោះពិតថា Chow Yun Fat បាននាំគ្រួសារដើរកម្សាន្តតាមព្រៃភ្នំ បំបាត់ទុក្ខក្រោយពី ម្តាយទើបតែទទួលមរណភាព ប៉ុន្មានខែនេះ។ ដោយឡែក តារាប្រុសជើងចាស់វស្សារូបនេះ បានអវត្តមានពីបណ្តាញសង្គមជាច្រើនខែ ដោយសារមមាញឹកនឹងភារកិច្ចត្រូវមើលថែម្តាយ ដែលកំពុងតែញ៉ាំញីដោយជំងឺនិង ថែមទាំងមានវ័យចំណាស់ផងដែរ ដោយគាត់បានមើលថែគាត់ជរារហូតគាត់ផុតដង្ហើម។

ក្រោយមេឃភ្លៀងមេឃស្រលះ ប៉ុន្តែថ្មីៗនេះ លោក អាចែ បានកាត់ចិត្តបានច្រើនហើយ ដោយគាត់ថែមទាំងបង្ហោះរូបភាពការធ្វើដំណើរកម្សាន្តជាមួយសមាជិកគ្រួសារ​ យ៉ាងមានក្តីសុខនិង សុភមង្គលផងដែរ រីឯទឹកមុខវិញគឺ ញញឹមខ្ជឹប តែម្តង។

ដោយហ្វេនខានឃើញ ញញឹមបែបនេះយូរមកហើយ ក្រោយពីបានដូច្នេះអ្នកគាំទ្រ ក៏មានចិត្តសប្បាយរីករាយផងដែរ ដោយអាយដលពួកគេ វិលមកសភាពដើមវិញហើយ។ គួររម្លឹកដែរថា ម្តាយរបស់ Chow Yun Fat បានទទួលមរណភាពក្នុងខែកុម្ភៈ ឆ្នាំ២០២០នេះ ថ្មីៗ ដោយពេលនោះ លោកពិតជាពិបាក និងលាក់មុខអស់មួយរយៈហើយ ដើម្បីកាន់ទុក្ខម្តាយលោក៕  

សូមចូលមើលរូបភាពខាងក្រោម៖