តារាចម្រៀងដែលប្រឡូកក្នុងវិស័យសិល្បៈជាច្រើនឆ្នាំ លោក សាន ផានិត ពេលនេះកំពុងតែជួបទុក្ខធំដោយសារត្រូវលោកឧកញ៉ាម្នាក់បោកប្រាស់លុយអស់ជាច្រើន និងមិនអាចស្វែងរកឃើញសោះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សយោងទៅតាមការឱ្យដឹងពីទំព័រហ្វេសប៊ុកផ្លូវការ “សិល្បករកម្ពុជា” បានឱ្យដឹងថា តារាចម្រៀង សាន ផានិត ពេលនេះកំពុងតែជួបទុក្ខធំ លើកដៃសំពះសុំសម្តេច ហ៊ុន សែន ឱ្យជួយអន្តរាគមន៍ ដោយសាររូបលោកត្រូវបានឧកញ៉ាម្នាក់ខ្ចីលុយចំនួន ៩.០០០ដុល្លារសហរដ្ឋអាមេរិក ជាថ្នូរនឹងការកាត់ដីឱ្យក្នុងរយៈពេល ០៤ថ្ងៃ ប៉ុន្តែរហូតមកទល់នឹងពេលនេះបាត់ដំណឹងលោកឧកញ៉ារូបនោះរយៈពេល ០២ខែ មកហើយ ដោយលោកផានិតអះអាងថា ឧកញ៉ានោះនិយាយកុហកម្តងអ៊ីចេះម្តងអ៊ីចុះ ថ្ងៃនេះថ្ងៃនោះ ក្រឡិចក្រឡុចជាដើម។
លោក សាន ផានិត បានបន្តទៀតថា សូម្បីតែលោកអង្វរឱ្យបង្វែរលុយជំពាក់នោះទៅជាលុយចងការផ្តិតមេដៃ ក៏គេគំរាម និងមិនយកចិត្តទុកដាក់នោះឡើយ។
យ៉ាងណា
មានអ្នកស្គាល់លោកជាច្រើនបានបង្ហាញនូវការសោកស្តាយចំពោះតារាចម្រៀង សាន ផានិត ដែលត្រូវបានឧកញ៉ាបោកប្រាស់ទំនុកចិត្តរហូតដាច់ចិត្តលើកដៃសំពះសុំជំនួយពីសម្តេចតេជោបែបនេះ៕