ភ្នំពេញ៖ កាលពីពេលថ្មីៗកន្លងទៅនេះ តារាចម្រៀងប្រចាំផលិតកម្មហង្សមាស អ្នកនាងសួស វីហ្សាបានបង្កើតChallenge មួយដោយបង្ហាញពីប្រទេស ដែលខ្លួននិងស្វាមី ធ្លាប់បានទៅកម្សាន្តរួមគ្នា ក្នុងនោះដែរក៏បានធ្វើឲ្យ អ្នកគាំទ្រមានការលាន់មាត់សរសើរពី សម្ព័ន្ធភាពស្នេហា របស់អ្នកទាំងពីរជាខ្លាំងផងដែរ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សតាមរយៈរូបដែល តារាចម្រៀងស្រីរូបនេះបានបង្ហោះនោះ គេឃើញថាមានប្រទេសជាច្រើន ដែលអ្នកនាងនិងស្វាមី ធ្លាប់បានទៅសាងអនុស្សាវរីយ៍ជាមួយនឹងគ្នា ក្នុងនោះរួមមាន ដូចជា៖ ប្រទេសបារាំង ស្វីស អ៊ីតាលី អាល្លឺម៉ង់ អេស្ប៉ាញ ម៉ូណាកូ និងប្រទេសជាច្រើន ជាង១០ប្រទេសផ្សេងទៀត។
គួររម្លឹកផងដែរថា អ្នកទាំងពីរ បានសម្រេចចិត្ត ចូលរោងការជាមួយនឹងគ្នា កាលពីឆ្នាំ២០១៩ ហើយក្នុងពេលបច្ចុប្បន្ន តារាចម្រៀងសួស វីហ្សា និងស្វាមីដែលតារាសម្តែង Tommy ក៏កំពុងតែទទួលបានកាដូ កូនដំបូងរបស់ពួកគេ នៅក្នុងផ្ទៃចំនួន៥ខែ ហើយផងដែរ៕
ចង់ដឹងថាមានប្រទេសណាខ្លះទៀតនោះ សូមទៅទស្សនារូបភាពទាំងអស់គ្នា៖