ថៃ៖ ក្រោយពីអតីតតារាសម្ដែងស្រីប្រចាំស្ថានីយ៍ទូរទស្សន៍ថៃប៉ុស្តិ៍លេខ៧ Bow Maylada បានសម្រេចមិនបន្តកុងត្រាជាមួយទ្រនំចាស់ ហើយឈានជើងចូលមកកាន់ទ្រនំប៉ុស្តិ៍លេខ៣មក មានការលេចឮព័ត៌មានចចាមអារ៉ាមថា Bow ត្រៀមជំនួសតំណែង Taew Natapohn ក្នុងនាមជាតួឯកស្រីក្នុងរឿង Miti Tee Sam ដែលគេបានត្រៀមទុកសម្រាប់ Taew Natapohn ជាគូជាមួយនឹង Nadech Kugimiyas តាំងពីដំបូងមកម៉្លេះ។ ព័ត៌មានមួយបានក្លាយទៅជាប្រធានបទដ៏ក្ដៅគគុកនៅលើបណ្ដាញសង្គម ជាពិសេសបានបង្កទៅជាការខ្វែងពាក្យសម្ដីគ្នារវាងអ្នកគាំទ្ររបស់ Taew និង Bow ផងដែរ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សនៅទីបំផុត អ្នកគ្រប់គ្រងជាន់ខ្ពស់មួយរូបរបស់ស្ថានីយ៍ទូរទស្សន៍ថៃប៉ុស្តិ៍លេខ៣ អ្នកនាង Dew Pinkamol បានចេញមកបកស្រាយហើយថា រឿង Miti Tee Sam នៅរក្សាតួឯកស្រីជា Taew ដដែល ចំណែកឯ Bow នឹងត្រូវធ្វើជាតួឯកស្រីសម្រាប់រឿងមួយផ្សេងទៀត គ្រាន់តែរឿងទាំងពីរស្ថិតនៅក្រោមការផលិតរបស់ផលិតកម្មតែមួយ ទើបបង្កឲ្យមានការយល់ច្រឡំបែបនេះ។
ដំណឹងមួយនេះ បានបញ្ចប់ការប៉ះទង្គិចគ្នានៅលើបណ្ដាញសង្គមរវាងហ្វេនតារាស្រីទាំងពីរ ហើយអ្នកគាំទ្រកំពុងទន្ទឹងចាំមើលបន្តទៀតថា តើរឿងភាគទីមួយដែល Bow ត្រៀមសម្ដែងសម្រាប់ទ្រនំថ្មីរបស់ខ្លួននេះ គឺជារឿងអ្វី និងត្រូវចាប់ដៃគូជាមួយតារាប្រុសរូបណា។
សម្រាប់រឿង Miti Tee Sam វិញ Taew នៅតែជាដៃគូសម្ដែងជាមួយនឹង Nadech Kugimiyas ដដែល៕
សូមទស្សនារូបភាពខាងក្រោម៖