ថៃ៖ Ken Phupoom ដែលជាតារាសម្ដែងដ៏ល្បីឈ្មោះម្នាក់របស់ស្ថានីយ៍ទូរទស្សន៍ថៃប៉ុស្តិ៍លេខ៣ និងធ្លាប់មានភាពលេចធ្លោខ្លាំងតាមរយៈការសម្ដែងនៅក្នុងរឿង Raeng Ngao និង រឿង Nakee នៅពេលនេះបានបញ្ចប់កុងត្រារបស់ខ្លួនជាមួយស្ថានីយ៍ទូរទស្សន៍ប៉ុស្តិ៍លេខ៣ហើយ និងបានបន្តទៅធ្វើជាអ្នកសម្ដែងឯករាជ្យវិញ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សគួរបញ្ជាក់ផងដែរ អស់រយៈពេលប្រមាណជិត១០ឆ្នាំដែលលោកស្ថិតនៅក្រោមទ្រនំប៉ុស្តិ៍លេខ៣នេះ លោកបានសាងកេរ្តិ៍ឈ្មោះតាមរយៈខ្សែភាពយន្តភាគល្បីៗជាច្រើន ដូច្នេះហើយ ការចាកចេញរបស់លោកបានធ្វើឲ្យអ្នកគាំទ្រភ្ញាក់ផ្អើលជាខ្លាំង។ ទោះបីជាយ៉ាងណាក៏ដោយ ក៏ហ្វេនៗរបស់លោកនៅតែគោរព និងគាំទ្រតាមការសម្រេចចិត្តរបស់អាយដលខ្លួន។
ថ្វីត្បិតតែ Ken បានបញ្ចប់កុងត្រារបស់ខ្លួនទៅហើយក្ដី ក៏ពេលនេះលោកនៅសល់ខ្សែភាពយន្តភាគមួយទៀតជាមួយនឹងប៉ុស្តិ៍លេខ៣ គឺរឿង Maya Saneha ដែលកំពុងស្ថិតនៅក្នុងដំណើរការថត។ លោកត្រូវសម្ដែងជាគូជាមួយនឹងតារាស្រីរហូតដល់ទៅពីររូប គឺ Ice Preechaya និង Wawwa Nychari។
សម្រាប់ឆ្នាំ២០២០ នេះ មានតារាសម្ដែងចំនួនបីរូបហើយដែលបានចាកចេញពីទ្រនំប៉ុស្តិ៍លេខ៣នេះ រួមទាំងលោក Ken Phupoom ផង៕
សូមទស្សនារូបភាពខាងក្រោម៖